ਲਖਨਊ: 2 ਪਤਨੀਆਂ, 9 ਬੱਚਿਆਂ ਤੇ 6 ਮਹਿਲਾ ਮਿੱਤਰਾਂ ਵਾਲਾ ਜਾਅਲਸਾਜ਼ ਪੁਲੀਸ ਦੀ ਗ੍ਰਿਫ਼ਤ ’ਚ

ਲਖਨਊ, 30 ਨਵੰਬਰ
ਦੋ ਪਤਨੀਆਂ, ਨੌਂ ਬੱਚਿਆਂ ਅਤੇ ਛੇ ਮਹਿਲਾ ਮਿੱਤਰਾਂ ਵਾਲੇ ਸੋਸ਼ਲ ਮੀਡੀਆ ’ਤੇ ਪ੍ਰਭਾਵ ਪਾਉਣ ਵਾਲੇ ਅਜੀਤ ਮੌਰਿਆ ਨੂੰ ਲਖਨਊ ਵਿੱਚ ਲੋਕਾਂ ਨੂੰ ਠੱਗਣ, ਜਾਅਲੀ ਭਾਰਤੀ ਕਰੰਸੀ ਦੇ ਨੋਟਾਂ ਨੂੰ ਚਲਾਉਣ, ਬੀਮਾ ਸਕੀਮਾਂ ਨਾਲ ਲੋਕਾਂ ਨੂੰ ਫਸਾਉਣ ਅਤੇ ਹੋਰ ਕਈ ਮਾਮਲਿਆਂ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮੌਰਿਆ (41) ਨੂੰ ਸਰੋਜਨੀ ਨਗਰ ਪੁਲੀਸ ਨੇ ਉਸ ਸਮੇਂ ਗ੍ਰਿਫਤਾਰ ਕੀਤਾ ਜਦੋਂ ਉਹ ਆਪਣੀ ਪਤਨੀ ਨਾਲ ਹੋਟਲ ਵਿੱਚ ਖਾਣਾ ਖਾ ਰਿਹਾ ਸੀ ਅਤੇ ਨਵੇਂ ਸਾਲ ਦੇ ਜਸ਼ਨ ਲਈ ਵਿਦੇਸ਼ ਜਾਣ ਦੀ ਯੋਜਨਾ ਬਣਾ ਰਿਹਾ ਸੀ। 6ਵੀਂ ਜਮਾਤ ਵਿੱਚੋਂ ਸਕੂਲ ਛੱਡਣ ਵਾਲੇ ਮੌਰਿਆ ਨੇ ਪੁਲੀਸ ਨੂੰ ਦੱਸਿਆ ਕਿ ਉਸ ਨੇ ਦੋ ਪਤਨੀਆਂ, ਨੌਂ ਬੱਚਿਆਂ ਅਤੇ ਛੇ ਮਹਿਲਾ ਮਿੱਤਰਾਂ ਦੇ ਖਰਚਿਆਂ ਕਾਰਨ ਠੱਗੀ ਸ਼ੁਰੂ ਕੀਤੀ। ਉਹ ਸੋਸ਼ਲ ਮੀਡੀਆ ਸਾਈਟਾਂ 'ਤੇ ਰੀਲਾਂ ਬਣਾਉਂਦਾ ਹੈ। ਧਰਮਿੰਦਰ ਕੁਮਾਰ ਵੱਲੋਂ ਦਰਜ ਕਰਵਾਈ ਗਈ ਐਫਆਈਆਰ ਤੋਂ ਬਾਅਦ ਪੁਲੀਸ ਨੇ ਇਸ ਨੂੰ ਕਾਬੂ ਕੀਤਾ। ਐੱਫਆਈਆਰ ਵਿੱਚ ਉਸ ਨੇ ਦੋਸ਼ ਲਾਇਆ ਕਿ ਮੌਰਿਆ ਨੇ ਰਕਮ ਦੁੱਗਣੀ ਕਰਨ ਦੇ ਨਾਂ 'ਤੇ 3 ਲੱਖ ਰੁਪਏ ਦੀ ਠੱਗੀ ਮਾਰੀ ਗਈ ਹੈ।  ਮੌਰਿਆ, ਜੋ ਮੁੰਬਈ ਵਿੱਚ ਨਕਲੀ ਪਲਾਸਟਰ ਆਫ਼ ਪੈਰਿਸ ਦਾ ਕੰਮ ਕਰਦਾ ਸੀ, ਨੂੰ ਕੰਮ ਮਿਲਣਾ ਬੰਦ ਹੋ ਗਿਆ। ਮੁੰਬਈ ਵਿੱਚ ਉਸ ਨੇ 2000 ਵਿੱਚ 40 ਸਾਲਾ ਸੰਗੀਤਾ ਨਾਲ ਵਿਆਹ ਕੀਤਾ ਸੀ ਅਤੇ ਉਸ ਦੇ ਸੱਤ ਬੱਚੇ ਸਨ। ਉਹ 2010 ਵਿੱਚ ਆਪਣੀ ਨੌਕਰੀ ਗੁਆ ਬੈਠਾ ਅਤੇ ਗੋਂਡਾ ਵਿੱਚ ਆਪਣੇ ਪਿੰਡ ਵਾਪਸ ਆ ਗਿਆ, ਪਰ ਕੋਈ ਲਾਹੇਵੰਦ ਨੌਕਰੀ ਨਹੀਂ ਮਿਲੀ, ”ਪੁਲਿਸ ਨੇ ਕਿਹਾ। ਇਸ ਤੋਂ ਬਾਅਦ, ਉਹ ਅਪਰਾਧ ਵੱਲ ਗਿਆ ਅਤੇ 2016 ਵਿੱਚ ਗੋਂਡਾ ਵਿੱਚ ਚੋਰੀ ਅਤੇ ਘੁਸਪੈਠ ਦਾ ਪਹਿਲਾ ਕੇਸ ਦਰਜ ਕੀਤਾ ਗਿਆ ਸੀ। ਉਦੋਂ ਤੋਂ, ਮੌਰਿਆਤ ਨੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। “ਦੋ ਸਾਲਾਂ ਬਾਅਦ ਉਹ 30 ਸਾਲਾ ਸੁਸ਼ੀਲਾ ਦੇ ਸੰਪਰਕ ਵਿੱਚ ਆਇਆ ਅਤੇ ਧੋਖਾਧੜੀ ਦੇ ਨਵੇਂ ਢੰਗ ਅਪਣਾ ਲਏ। ਉਸ ਨੇ ਜਾਅਲੀ ਕਰੰਸੀ ਨੋਟਾਂ ਅਤੇ ਠੱਗੀ ਵਾਲੀਆਂ ਸਕੀਮਾਂ ਬਣਾ ਕੇ ਲੋਕਾਂ ਤੋਂ ਪੈਸੇ ਬਣਾਏ। 2019 ਵਿੱਚ ਅਜੀਤ ਨੇ ਸੁਸ਼ੀਲਾ ਨਾਲ ਵਿਆਹ ਕਰਵਾ ਲਿਆ। ਉਹ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਜਿਊਣ ਲੱਗੇ। ਸੁਸ਼ੀਲਾ ਨੇ ਦੋ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਜਾਂਚ ਦੌਰਾਨ ਪੁਲੀਸ ਨੇ ਇਹ ਵੀ ਪਾਇਆ ਕਿ ਮੌਰੀਆ ਨੇ ਦੋ ਘਰ ਬਣਾਏ ਸਨ, ਇੱਕ ਵਿੱਚ ਸੰਗੀਤਾ ਰਹਿੰਦੀ ਹੈ ਅਤੇ ਦੂਜਾ ਸੁਸ਼ੀਲਾ ਅਤੇ ਉਸ ਦੇ ਬੱਚਿਆਂ ਲਈ, ਜਦੋਂ ਕਿ ਉਹ ਖੁਦ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਉਹ ਆਪਣੀਆਂ ਪਤਨੀਆਂ ਨੂੰ ਆਲੀਸ਼ਾਨ ਜੀਵਨ ਦੇ ਰਿਹਾ ਹੈ ਤੇ 'ਲੁੱਟ' ਦਾ ਪੈਸਾ ਉਨ੍ਹਾਂ ਵਿਚਕਾਰ ਬਰਾਬਰ ਵੰਡਿਆ ਜਾਂਦਾ ਹੈ। ਉਸ ਦੇ ਕਾਲ ਡਿਟੇਲ ਰਿਕਾਰਡ ਨੂੰ ਸਕੈਨ ਕੀਤਾ ਅਤੇ ਦੇਖਿਆ ਕਿ ਅਜੀਤ ਦੀਆਂ ਛੇ ਮਹਿਲਾ ਮਿੱਤਰ ਹਨ ਅਤੇ ਉਨ੍ਹਾਂ ’ਤੇ ਖਾਸਾ ਪੈਸਾ ਖਰਚਦਾ ਹੈ।