ਸਕਰੈਪ ਨੂੰ ਲੱਗੀ ਅੱਗ ਕਾਰਨ ਬਾਰਾਂ ਲੱਖ ਦਾ ਨੁਕਸਾਨ

ਖੇਤਰੀ ਪ੍ਰਤੀਨਿਧ
ਪਟਿਆਲਾ, 24 ਨਵੰਬਰ
ਸਥਾਨਕ ਸ਼ਹਿਰ ਵਿਚਲੇ ਲੱਕੜ ਮੰਡੀ ਇਲਾਕੇ ’ਚ ਸਕਰੈਪ ਨੂੰ ਅੱਗ ਲੱਗ ਗਈ, ਜਿਸ ਦੌਰਾਨ ਪੁੱਜੀਆਂ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆ ਨੇ ਅੱੱਗ ’ਤੇ ਕਾਬੂ ਪਾਇਆ। ਪਰ ਫੇਰ ਵੀ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। ਮਾਲਕ ਰਿੰਕੂ ਨੇ ਕਿਹਾ ਕਿ ਅੱਗ ਦੀ ਇਸ ਘਟਨਾ ਦੌਰਾਨ ਉਸ ਦਾ ਦਸ ਤੋਂ ਬਾਰਾਂ ਲੱਖ ਰੁਪਏ ਦਾ ਨੁਕਸਾਨ ਗਿਆ। ਉਧਰ ਇਸ ਘਟਨਾ ਦੇ ਚੱਲਦਿਆਂ ਹਲਕਾ ਪਟਿਆਲਾ ਸ਼ਹਿਰੀ ਦੇ ਵਿਧਾਇਕ ਅਜੀਤਪਾਲ ਸਿੰਘ ਕੋਹਲੀ ਨੇ ਵੀ ਘਟਨਾ ਸਥਾਨ ’ਤੇ ਪਹੁੰਚ ਕੇ ਪੀੜਤ ਰਿੰਕੂ ਦੇ ਨਾਲ ਮੁਲਾਕਾਤ ਕਰਦਿਆਂ ਇਸ ਘਟਨਾ ’ਤੇ ਅਫਸੋਸ ਜਾਹਰ ਕੀਤਾ।