ਸ੍ਰੀਹਰੀਕੋਟਾ, 23 ਜੂਨਭਾਰਤੀ ਪੁਲਾੜ ਖੋਜ ਸੰਸਥਾ (ਇਸਰੋ) ਨੇ ਅੱਜ ਦੱਸਿਆ ਹੈ ਕਿ ਉਸ ਦਾ ਮੁੜ ਵਰਤੋਂਯੋਗ ਲਾਂਚ ਵਹੀਕਲ (ਆਰਐਲਵੀ ਐਲਈਐਕਸ-3) ਦੀ ਲੈਂਡਿੰਗ ਸਫਲ ਰਹੀ ਹੈ। ਇਹ ਉਸ ਦੀ ਤੀਜੀ ਤੇ ਆਖਰੀ ਲੈਂਡਿੰਗ ਸੀ। ਇਸਰੋ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਪੁਸ਼ਪਕ ਚੁਣੌਤੀਪੂਰਨ ਹਾਲਾਤ ਵਿਚ ਵਧੀਆ ਢੰਗ ਨਾਲ ਉਤਰਿਆ। ਇਹ ਪ੍ਰਯੋਗ ਕਰਨਾਟਕ ਦੇ ਚਿਤਰਾਦੁਰਗਾ ਵਿਚ ਸੱਤ ਵੱਜ ਕੇ ਦਸ ਮਿੰਟ ’ਤੇ ਕੀਤਾ ਗਿਆ। ਭਾਰਤੀ ਪੁਲਾੜ ਸੰਸਥਾ ਨੇ ਇਸ ਤੋਂ ਪਹਿਲਾਂ ਆਰਐਲਵੀ ਐਲਈਐਕਸ-1 ਤੇ ਆਰਐਲਵੀ ਐਲਈਐਕਸ-2 ਦਾ ਸਫਲਤਾਪੂਰਵਕ ਪ੍ਰਯੋਗ ਕੀਤਾ ਸੀ।