ਕਿਮ ਤੇ ਕਲੋਏ ਨੇ ਆਟੋ ’ਚ ਬੈਠ ਕੇ ਮੁੰਬਈ ਦੀ ਸੈਰ ਕੀਤੀ

ਮੁੰਬਈ:

ਮੁੰਬਈ ਵਰਗੇ ਹਲਚਲ ਵਾਲੇ ਸ਼ਹਿਰ ਦੀ ਰੌਣਕ ’ਚ ਹੋਰ ਵੀ ਵਾਧਾ ਹੋ ਗਿਆ ਜਦੋਂ ਹੌਲੀਵੁੱਡ ਦੀਆਂ ਖੂਬਸੂਰਤ ਭੈਣਾਂ ਤੇ ਰਿਐਲਟੀ ਸ਼ੋਅ ਦੀਆਂ ਸਟਾਰਜ਼ ਕਿਮ ਕਾਰਦਾਸ਼ੀਅਨ ਤੇ ਕਲੋਏ ਕਾਰਦਾਸ਼ੀਅਨ ਨੇ ਆਟੋ ’ਚ ਬੈਠ ਕੇ ਭਾਰਤੀ ਫ਼ਿਲਮ ਸਿਟੀ ਦੀ ਸੈਰ ਕੀਤੀ। ਇਸ ਸਬੰਧੀ ਉਨ੍ਹਾਂ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਹੈ। ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਵਿਆਹ ਤੋਂ ਪਹਿਲਾਂ ਭੈਣਾਂ ਦੀ ਇਸ ਜੋੜੀ ਦਾ ਭਾਰਤ ਆਉਣ ’ਤੇ ਰਵਾਇਤੀ ਤਰੀਕੇ ਨਾਲ ਸਵਾਗਤ ਕੀਤਾ ਗਿਆ। ਭਾਰਤੀ ਮੁਟਿਆਰਾਂ ਨੇ ਉਨ੍ਹਾਂ ’ਤੇ ਫੁੱਲਾਂ ਦੀ ਵਰਖਾ ਕੀਤੀ। ਕਲੋਏ ਕਾਰਦਾਸ਼ੀਅਨ ਨੇ ਇੰਸਟਾਗ੍ਰਾਮ ’ਤੇ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ’ਚ ਉਹ ਤੇ ਕਿਮ ਸ਼ਾਨਦਾਰ ਢੰਗ ਨਾਲ ਕੀਤੇ ਗਏ ਭਾਰਤੀ ਸਵਾਗਤ ਦਾ ਆਨੰਦ ਲੈ ਰਹੀਆਂ ਹਨ। -ਏਐੱਨਆਈ