ਖਨੌਰੀ: ਧਰਨੇ ’ਤੇ ਬੈਠੇ ਕਿਸਾਨਾਂ ਲਈ 12 ਕੁਇੰਟਲ ਦੁੱਧ ਭੇਜਿਆ

ਨਿੱਜੀ ਪੱਤਰ ਪ੍ਰੇਰਕ
ਸਿਰਸਾ, 9 ਮਈ
ਭਾਰਤੀ ਕਿਸਾਨ ਏਕਤਾ (ਬੀਕੇਈ) ਵੱਲੋਂ ਖਨੌਰੀ ਬਾਰਡਰ ’ਤੇ ਧਰਨਾ ਲਾ ਕੇ ਬੈਠੇ ਕਿਸਾਨਾਂ ਲਈ ਪਿੰਡਾਂ ਚੋਂ 12 ਕੁਇੰਟਲ ਦੁੱਧ ਭੇਜਿਆ ਗਿਆ। ਬੀਕੇਈ ਦੇ ਸੂਬਾਈ ਪ੍ਰਧਾਨ ਲੱਖਵਿੰਦਰ ਸਿੰਘ ਔਲਖ ਨੇ ਦੱਸਿਆ ਕਿ ਕਿਸਾਨ ਆਪਣੀਆਂ ਮੰਨੀਆਂ ਹੋਈਆਂ ਮੰਗਾਂ ਲਾਗੂ ਕਰਵਾਉਣ ਲਈ 13 ਫਰਵਰੀ ਤੋਂ ਖਨੌਰੀ ਤੋਂ ਇਲਾਵਾ ਸ਼ੰਭੂ, ਡੱਬਵਾਲੀ, ਰਤਨਪੁਰ (ਸੰਗਰੀਆ) ਸਰਹੱਦ ’ਤੇ ਕਿਸਾਨਾਂ ਲਈ ਲੰਗਰ ਅਤੇ ਦੁੱਧ ਦੀ ਸੇਵਾ ਨਿਰੰਤਰ ਚੱਲ ਰਹੀ ਹੈ। 86ਵੇਂ ਦਿਨ ਦੁੱਧ ਦੀ ਸੇਵਾ ਸਿਰਸਾ ਤੋਂ ਖਨੌਰੀ ਲਈ ਰਵਾਨਾ ਕੀਤੀ ਗਈ। ਭਾਰਤੀ ਕਿਸਾਨ ਏਕਤਾ ਦੀ ਟੀਮ ਨੇ ਪਿੰਡ ਭਾਵਦੀਨ, ਮੋਰੀਵਾਲਾ, ਫੂਲਕਾਂ, ਬਾਜੇਕਾਂ, ਕੋਟਲੀ, ਰਘੂਆਣਾ, ਰਘੂਆਣਾ ਢਾਣੀਆਂ, ਰੋਹੀੜਾਵਾਲੀ, ਚਕੇਰੀਆ, ਜਲਾਲਆਣਾ, ਫੱਗੂ, ਥਿਰਾਜ, ਝੋਰੜ ਰੋਹੀ, ਮਾਲੜੀ ਅਤੇ ਰੋੜੀ ਤੋਂ ਦੁੱਧ ਇਕੱਠਾ ਕੀਤਾ 12 ਕੁਇੰਟਲ ਦੁੱਧ ਗੁਰਦੁਆਰਾ ਚਿੱਲਾ ਸਾਹਿਬ ਸਿਰਸਾ ਦੇ ਜਥੇਦਾਰ ਬਾਬਾ ਜਗਤਾਰ ਸਿੰਘ (ਕਾਰ ਸੇਵਾ ਵਾਲੇ) ਨੇ ਖਨੌਰੀ ਭੇਜਿਆ ਹੈ।