ਕਾਲਾਂਵਾਲੀ ਦੇ ਦੁਕਾਨਦਾਰ ਨੇ ਜਿੱਤਿਆ ਰਾਖੀ ਬੰਪਰ

ਪੱਤਰ ਪ੍ਰੇਰਕ

ਕਾਲਾਂਵਾਲੀ, 21 ਅਗਸਤ

ਇਸ ਵਾਰ ਪੰਜਾਬ ਸਟੇਟ ਰਾਖੀ ਬੰਪਰ ਦਾ ਪਹਿਲਾ ਡੇਢ ਕਰੋੜ ਰੁਪਏ ਦਾ ਇਨਾਮ ਕਾਲਾਂਵਾਲੀ ਦੇ ਵਿਅਕਤੀ ਧਰਮਪਾਲ ਮਿੱਢਾ ਨੇ ਜਿੱਤਿਆ ਹੈ। ਧਰਮਪਾਲ ਮਿੱਢਾ ਕਾਲਾਂਵਾਲੀ ਵਿਚ ‘ਪ੍ਰੇਮ ਸਵੀਟਸ’ ਨਾਂ ’ਤੇ ਮਠਿਆਈਆਂ ਦੀ ਦੁਕਾਨ ਕਰਦਾ ਹੈ। ਸ੍ਰੀ ਮਿੱਢਾ ਨੇ ਦੱਸਿਆ ਕਿ ਉਹ ਪਿਛਲੇ 5 ਸਾਲਾਂ ਤੋਂ ਪੰਜਾਬ ਸਟੇਟ ਲਾਟਰੀ ਦੀ ਟਿਕਟ ਖਰੀਦਦਾ ਆ ਰਿਹਾ ਹੈ। ਇਸ ਵਾਰ ਉਸ ਨੇ ਇਕ ਏਜੰਟ ਤੋਂ 250-250 ਰੁਪਏ ਦੀਆਂ ਪੰਜ ਟਿਕਟਾਂ ਖਰੀਦੀਆਂ ਸਨ, ਜਿਨ੍ਹਾਂ ਨੇ ਉਸ ਦੀ ਕਿਸਮਤ ਬਦਲ ਦਿੱਤੀ। ਉਸ ਨੇ ਦੱਸਿਆ ਕਿ ਉਹ ਆਪਣੀ ਇਨਾਮੀ ਰਕਮ ਨਾਲ ਆਪਣੇ ਕਾਰੋਬਾਰ ਵਿਚ ਵਾਧਾ ਕਰੇਗਾ ਤੇ ਲੋੜਵੰਦ ਲੋਕਾਂ ਦੀ ਮਦਦ ਕਰੇਗਾ। ਅੱਜ ਸਾਰਾ ਦਿਨ ਪ੍ਰੇਮ ਕੁਮਾਰ ਨੂੰ ਵਧਾਈਆਂ ਦੇਣ ਵਾਲਿਆਂ ਦੀ ਭੀੜ ਲੱਗੀ ਰਹੀ। ਇਸ ਤੋਂ ਪਹਿਲਾਂ ਵੀ ਪੰਜਾਬ ਸਟੇਟ ਲਾਟਰੀ ਦੇ ਦੋ ਵੱਡੇ ਇਨਾਮ ਕਾਲਾਂਵਾਲੀ ਦੇ ਵਿਅਕਤੀਆਂ ਦੇ ਨਿਕਲ ਚੁੱਕੇ ਹਨ।