ਜੱਸਾ ਪੱਟੀ ਨੇ ਬਿਨੀਆ ਜੰਮੂ ਨੂੰ ਹਰਾ ਕੇ ਜਿੱਤੀ ਝੰਡੀ ਦੀ ਕੁਸ਼ਤੀ

ਪੱਤਰ ਪ੍ਰੇਰਕ
ਰੂਪਨਗਰ, 23 ਅਕਤੂਬਰ
ਘਾੜ ਇਲਾਕੇ ਦੇ ਪਿੰਡ ਹਰੀਪੁਰ ਵਿੱਚ ਗੁੱਗਾ ਮੈੜੀ ਕਮੇਟੀ ਅਤੇ ਪਿੰਡ ਦੇ ਨੌਜਵਾਨਾਂ ਵੱਲੋਂ ਗਰਾਮ ਪੰਚਾਇਤ ਦੇ ਸਹਿਯੋਗ ਨਾਲ ਕੁਸ਼ਤੀ ਦੰਗਲ ਕਰਵਾਇਆ ਗਿਆ।
ਸਰਪੰਚ ਸੱਜਣ ਸਿੰਘ, ਕੁਲਬੀਰ ਸਿੰਘ ਬਾਊ ਅਤੇ ਚੌਧਰੀ ਚਰਨ ਸਿੰਘ ਬਰਦਾਰ ਦੀ ਦੇਖਰੇਖ ਹੇਠ ਕਰਵਾਏ ਗਏ ਇਸ ਦੰਗਲ ਦੌਰਾਨ ਪ੍ਰਸਿੱਧ ਹਾਸਰਸ ਕਲਾਕਾਰ ਗੁਰਪ੍ਰੀਤ ਸਿੰਘ ਘੁੱਗੀ ਮੁੱਖ ਮਹਿਮਾਨ ਵੱਜੋਂ ਸ਼ਾਮਲ ਹੋਏ। ਡੀਐਸਪੀ (ਆਰ) ਰੂਪਨਗਰ ਰਾਜਪਾਲ ਸਿੰਘ ਗਿੱਲ , ਨਿਰਮਲ ਸਿੰਘ ਟਾਂਡਾ, ਜਤਿੰਦਰ ਸਿੰਘ, ਨਰਾਤਾ ਸਿੰਘ ਬਰਦਾਰ, ਗੁਰਦੀਪ ਸਿੰਘ ਬ੍ਰਾਹਮਣਵਾਲਾ, ਹਰਮੇਸ਼ ਸਿੰਘ ਠੇਕੇਦਾਰ, ਸਾਬਕਾ ਸਰਪੰਚ ਗੁਰਦੀਪ ਸਿੰਘ, ਕੈਪਟਨ ਨਰਾਤਾ ਸਿੰਘ, ਸੋਹਣ ਸਿੰਘ ਚੌਕੀ ਇੰਚਾਰਜ ਪੁਰਖਾਲੀ ਆਦਿ ਨੇ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਹਾਜ਼ਰੀ ਲਗਵਾਈ। ਇਸ ਦੰਗਲ ਵਿੱਚ ਲਗਪਗ 150 ਪਹਿਲਵਾਨਾਂ ਨੇ ਹਿੱਸਾ ਲਿਆ ਤੇ ਝੰਡੀ ਦੇ ਮੁੱਖ ਮੁਕਾਬਲੇ ਦੌਰਾਨ ਜੱਸਾ ਪੱਟੀ ਨੇ ਬਿੰਨੀਆ ਜੰਮੂ ਨੂੰ ਚਿੱਤ ਕਰ ਕੇ ਕੁਸ਼ਤੀ ਦੰਗਲ ਜਿੱਤਿਆ।