ਮਾਰਚ ਤਿਮਾਹੀ ਵਿਚ ਭਾਰਤ ਦੀ ਵਿਕਾਸ ਦਰ 7.8 ਫੀਸਦ ਰਹੀ

ਨਵੀਂ ਦਿੱਲੀ:

ਮਾਰਚ ਤਿਮਾਹੀ ਵਿਚ ਭਾਰਤ ਦੀ ਆਰਥਿਕ ਵਿਕਾਸ ਦਰ 7.8 ਫੀਸਦ ਸੀ, ਜਿਸ ਨਾਲ ਸਾਲਾਨਾ ਵਿਕਾਸ ਦਰ 8.2 ਫੀਸਦ ਦੇ ਅੰਕੜੇ ਨੂੰ ਪੁੱਜ ਗਈ। ਸਰਕਾਰ ਵੱਲੋਂ ਜਾਰੀ ਅਧਿਕਾਰਤ ਅੰਕੜਿਆਂ ਮੁਤਾਬਕ ਦਸੰਬਰ ਤਿਮਾਹੀ ਵਿਚ 8.6 ਫੀਸਦ ਦੀ ਵਿਕਾਸ ਦਰ ਦੇ ਮੁਕਾਬਲੇ ਜਨਵਰੀ-ਮਾਰਚ ਵਿਚ ਇਹ ਅੰਕੜਾ ਘੱਟ ਸੀ। ਕੌਮੀ ਅੰਕੜਾ ਦਫ਼ਤਰ (ਐੱਨਐੱਸਓ) ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ ਵਿੱਤੀ ਸਾਲ 2022-23 ਵਿਚ ਜਨਵਰੀ-ਮਾਰਚ ਦੀ ਤਿਮਾਹੀ ਵਿਚ ਜੀਡੀਪੀ ਅਧਾਰਿਤ ਵਿਕਾਸ ਦਰ 6.2 ਫੀਸਦ ਵਧੀ ਸੀ। ਡੇਟਾ ਮੁਤਾਬਕ 2022-23 ਦੇ 7 ਫੀਸਦ ਦੇ ਮੁਕਾਬਲੇ 2023-24 ਵਿਚ ਅਰਥਚਾਰਾ 8.2 ਫੀਸਦ ਵਧਿਆ ਸੀ। ਐੱਨਐੱਸਓ ਨੇ ਕੌਮੀ ਖਾਤਿਆਂ ਲਈ ਜਾਰੀ ਦੂਜੇ ਐਡਵਾਂਸ ਅਨੁਮਾਨ ਵਿਚ ਦੇਸ਼ ਦੀ ਵਿਕਾਸ ਦਰ 2023-24 ਵਿਚ 7.7 ਫੀਸਦ ਰਹਿਣ ਦੀ ਪੇਸ਼ੀਨਗੋਈ ਕੀਤੀ ਸੀ। ਚੀਨ ਨੇ 2024 ਦੇ ਪਹਿਲੇ ਤਿੰਨ ਮਹੀਨਿਆਂ ਵਿਚ 5.3 ਫੀਸਦ ਦੀ ਵਿਕਾਸ ਦਰ ਦਰਜ ਕੀਤੀ ਹੈ। -ਪੀਟੀਆਈ