ਗੁਰੂ ਨਾਨਕ ਹਸਪਤਾਲ ’ਚ ਅਲਟਰਾ ਸਾਊਂਡ ਸਕੈਨ ਤੇ ਐਕਸਰੇਅ ਯੂਨਿਟ ਦਾ ਉਦਘਾਟਨ

ਪੱਤਰ ਪ੍ਰੇਰਕ
ਬੰਗਾ, 10 ਅਕਤੂਬਰ
ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਢਾਹਾਂ ਕਲੇਰਾਂ ਵਿੱਚ ਰੇਡੀਓਲੋਜੀ ਵਿਭਾਗ ਵਿੱਚ ਆਧੁਨਿਕ ਨਵੀਂ ਅਲਟਰਾ ਸਾਊਂਂਡ ਸਕੈਨ ਅਤੇ ਨਵੇਂ ਡਿਜੀਟਲ ਐਕਸਰੇਅ ਯੂਨਿਟ ਦਾ ਅੱਜ ਉਦਘਾਟਨ ਕੀਤਾ ਗਿਆ। ਇਹ ਰਸਮ ਵਿਧਾਇਕ ਡਾ. ਸੁਖਵਿੰਦਰ ਕੁਮਾਰ ਸੁੱਖੀ ਨੇ ਨਿਭਾਉਂਦਿਆ ਕਿਹਾ ਕਿ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਢਾਹਾਂ ਕਲੇਰਾਂ ਲੋਕਾਂ ਨੂੰ ਵਧੀਆ ਅਤੇ ਰਿਆਇਤੀ ਸਿਹਤ ਸਹੂਲਤਾਂ ਦੇ ਰਿਹਾ ਹੈ। ਉਨ੍ਹਾਂ ਆਪਣਾ ਅਹਿਦ ਦੁਹਰਾਉਂਦਿਆਂ ਕਿਹਾ ਕਿ ਉਹ ਇਸ ਅਦਾਰੇ ਦੀ ਹੋਰ ਉੱਨਤੀ ਲਈ ਸਦਾ ਸਹਿਯੋਗੀ ਰਹਿਣਗੇ।
ਗੁਰੂ ਨਾਨਕ ਮਿਸ਼ਨ ਮੈਡੀਕਲ ਐਂਡ ਐਜੂਕੇਸ਼ਨਲ ਟਰੱਸਟ ਢਾਹਾਂ ਕਲੇਰਾਂ ਦੇ ਪ੍ਰਧਾਨ ਡਾ. ਕੁਲਵਿੰਦਰ ਸਿੰਘ ਢਾਹਾਂ ਨੇ ਵਿਧਾਇਕ ਡਾ. ਸੁਖਵਿੰਦਰ ਕੁਮਾਰ ਸੁੱਖੀ ਦਾ ਧੰਨਵਾਦ ਕੀਤਾ। ਇਸ ਤੋਂ ਪਹਿਲਾਂ ਸਿਹਤ ਵਿਭਾਗ ਦੇ ਅਧਿਕਾਰੀ ਡਾ. ਰੇਨੂੰ ਮਿੱਤਲ ਜ਼ਿਲ੍ਹਾ ਇੰਚਾਰਜ ਪੀਐੱਨਡੀਟੀ ਨੇ ਉਕਤ ਮਸ਼ੀਨਰੀ ਦੀ ਮੁਕੰਮਲ ਜਾਂਚ ਹਿੱਤ ਪ੍ਰਕਿਰਿਆ ਨੂੰ ਨੇਪਰੇ ਚਾੜ੍ਹਿਆ।