ਪਿੰਡ ਜੌਲੀ ਵਿੱਚ ਸਿਹਤ ਕੇਂਦਰ ਦਾ ਉਦਘਾਟਨ

ਲਾਲੜੂ:

ਪਿੰਡ ਜੌਲੀ ਵਿੱਚ ਸਟੀਲ ਸਟੀਰਪਸ ਵ੍ਹੀਹਲਜ਼ ਲਿਮਟਿਡ ਲਾਲੜੂ ਦੇ ਸਹਿਯੋਗ ਨਾਲ ਸਬਸਿਡਰੀ ਹੈਲਥ ਸੈਂਟਰ ਜੌਲੀ ਦੀ ਨਵੀਂ ਬਣੀ ਇਮਾਰਤ ਦਾ ਉਦਘਾਟਨ ਕੰਪਨੀ ਦੇ ਪ੍ਰਬੰਧਕ ਜਤਿੰਦਰ ਸਿੰਘ ਵੱਲੋਂ ਕੀਤਾ ਗਿਆ। ਇਸ ਉਦਘਾਟਨ ਸਮਾਰੋਹ ਵਿੱਚ ਕਈ ਪਿੰਡਾਂ ਦੇ ਪੰਚਾਂ ਸਰਪੰਚਾਂ ਅਤੇ ਹੋਰ ਪਤਵੰਤਿਆਂ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਨੌਜਵਾਨ ਆਗੂ ਸੰਦੀਪ ਰਾਣਾ ਜੌਲੀ, ਸਾਬਕਾ ਸਰਪੰਚ ਬਲਜੀਤ ਕੌਰ ਜੌਲੀ ਤੇ ਕਿਸਾਨ ਆਗੂ ਜਵਾਲਾ ਸਿੰਘ ਖੇੜੀ ਜੱਟਾਂ ਆਦਿ ਨੇ ਮਰੀਜ਼ਾਂ ਲਈ ਐਂਬੂਲੈਂਸ, ਟੈਸਟ ਕਰਨ ਵਾਲੇ ਉਪਕਰਨ, ਵਾਟਰ ਕੂਲਰ ਸਮੇਤ ਹੋਰ ਲੋੜੀਂਦੇ ਉਪਕਰਨ ਮੁਹੱਈਆ ਕਰਵਾਉਣ ਦੀ ਮੰਗ ਕੀਤੀ। ਕੰਪਨੀ ਪ੍ਰਬੰਧਕਾਂ ਨੇ ਸਿਹਤ ਕੇਂਦਰ ਵਿੱਚ ਹਰ ਸਹੂਲਤ ਮੁਹੱਈਆ ਕਰਵਾਉਣ ਦਾ ਭਰੋਸਾ ਦਿੱਤਾ। -ਪੱਤਰ ਪ੍ਰੇਰਕ