ਹਾਦਸੇ ’ਚ ਛੋਟਾ ਭਰਾ ਹਲਾਕ, ਵੱਡਾ ਜ਼ਖ਼ਮੀ

ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 15 ਨਵੰਬਰ
ਦੋਸਤ ਦੀ ਸ਼ਾਦੀ ਵਿੱਚ ਸ਼ਾਮਲ ਹੋਣ ਜਾ ਰਹੇ ਮੋਟਰਸਾਈਕਲ ਸਵਾਰ ਦੋ ਭਰਾਵਾਂ ਨੂੰ ਅੰਬਾਲਾ-ਜਗਾਧਰੀ ਰੋਡ ’ਤੇ ਮੰਗਲਈ ਮੋੜ ਕੋਲ ਟਿੱਪਰ ਚਾਲਕ ਨੇ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ’ਚ 17 ਸਾਲਾ ਕਰਣਨੀਤ ਦੀ ਮੌਤ ਹੋ ਗਈ ਜਦੋਂਕਿ ਰਮਨਦੀਪ ਜ਼ਖ਼ਮੀ ਹੋ ਗਿਆ। ਰਮਨਦੀਪ ਵਾਸੀ ਪਿੰਡ ਖੋਜਕੀਪੁਰ ਨੇ ਮਹੇਸ਼ ਨਗਰ ਪੁਲੀਸ ਨੂੰ ਦੱਸਿਆ ਕਿ ਕੱਲ੍ਹ ਦੁਪਹਿਰ ਬਾਅਦ ਉਹ ਮੋਟਰਸਾਈਕਲ ’ਤੇ ਛੋਟੇ ਭਰਾ ਕਰਣਨੀਤ ਦੇ ਨਾਲ ਖਾਰੂ ਖੇੜਾ ਪਿੰਡ ਵਿੱਚ ਦੋਸਤ ਦੇ ਵਿਆਹ ’ਤੇ ਜਾ ਰਹੇ ਸਨ। ਮੰਗਲਈ ਮੋੜ ਦੇ ਕੋਲ ਅੰਬਾਲਾ ਕੈਂਟ ਵੱਲੋਂ ਜਾ ਰਹੇ ਟਿੱਪਰ ਚਾਲਕ ਨੇ ਉਨ੍ਹਾਂ ਦੇ ਮੋਟਰਸਾਈਕਲ ਨੂੰ ਟੱਕਰ ਮਾਰ ਦਿੱਤੀ ਤੇ ਫ਼ਰਾਰ ਹੋ ਗਿਆ। ਉਨ੍ਹਾਂ ਦੋਵਾਂ ਨੂੰ ਜ਼ਖ਼ਮੀ ਹਾਲਤ ਵਿਚ ਸਿਵਲ ਹਸਪਤਾਲ ਅੰਬਾਲਾ ਕੈਂਟ ਭਰਤੀ ਕਰਾਇਆ ਗਿਆ। ਕਰਣਨੀਤ ਨੂੰ ਪੀਜੀਆਈ ਰੈਫਰ ਕੀਤਾ ਗਿਆ ਪਰ ਉਸ ਨੇ ਰਾਹ ਵਿੱਚ ਹੀ ਦਮ ਤੋੜ ਦਿੱਤਾ।