ਹਾਕੀ ਲੀਗ: ਸੀਜ਼ਨ- 1 ਦੀ ਟਰਾਫ਼ੀ ਪੀਏਪੀ ਜਲੰਧਰ ਨੇ ਜਿੱਤੀ

ਜਲੰਧਰ (ਪੱਤਰ ਪ੍ਰੇਰਕ): ਵਜਰਾ ਪੰਜਾਬ ਹਾਕੀ ਲੀਗ 2024 ਸੀਜ਼ਨ 1, ਐਸਟਰੋਟਰਫ ਕਟੋਚ ਸਟੇਡੀਅਮ, ਜਲੰਧਰ ਕੈਂਟ ਵਿੱਚ ਸ਼ਾਨਦਾਰ ਫਾਈਨਲ ਦੇ ਨਾਲ ਸਮਾਪਤ ਹੋਇਆ। ਵਜਰਾ ਕੋਰ ਦੀ ਅਗਵਾਈ ਹੇਠ ਕਰਵਾਏ ਗਏ ਟੂਰਨਾਮੈਂਟ ਦੇ ਫਾਈਨਲ ਮੈਚ ਵਿੱਚ ਪੰਜਾਬ ਆਰਮਡ ਪੁਲੀਸ ਜਲੰਧਰ (ਪੀਏਪੀ) ਤੇ ਰੇਲ ਕੋਚ ਫੈਕਟਰੀ ਕਪੂਰਥਲਾ ਦੀਆਂ ਟੀਮਾਂ ਵਿਚਕਾਰ ਖੇਡੇ ਗਏ ਮੁਕਾਬਲੇ ਦੌਰਾਨ ਪੰਜਾਬ ਆਰਮਡ ਪੁਲੀਸ ਜਲੰਧਰ ਨੇ 0-1 ਦੇ ਸਕੋਰ ਨਾਲ ਟਰਾਫ਼ੀ ਜਿੱਤੀ ਅਤੇ 2 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਪ੍ਰਾਪਤ ਕੀਤੀ। ਸਮਾਪਤੀ ਸਮਾਗਮ ਦੇ ਮੁੱਖ ਮਹਿਮਾਨ ਵਜਰਾ ਕੋਰ ਦੇ ਜੀਓਸੀ ਲੈਫਟੀਨੈਂਟ ਜਨਰਲ ਅਜੈ ਚਾਂਦਪੁਰੀਆ ਸਨ। ਇਸ ਸਮਾਗਮ ਦੀ ਰੌਣਕ ਨੂੰ ਵਧਾਉਂਦਿਆਂ ਸਕੂਲਾਂ ਅਤੇ ਕਾਲਜਾਂ ਦੇ ਵਿਦਿਆਰਥੀਆਂ ਨੇ ਭੰਗੜਾ, ਗਿੱਧਾ ਅਤੇ ਰਾਜਸਥਾਨੀ ਲੋਕ ਨਾਚ ਪੇਸ਼ ਕੀਤਾ।