ਸਿਹਤ ਵਿਭਾਗ ਵੱਲੋਂ ਮੈਡੀਕਲ ਸਟੋਰਾਂ ’ਤੇ ਛਾਪੇ

ਮਨੋਜ ਸ਼ਰਮਾ
ਬਠਿੰਡਾ, 14 ਜੁਲਾਈ
ਬਠਿੰਡਾ ਵਿਚ ਅੱਜ ਡਰੱਗ ਇੰਸਪੈਕਟਰਾਂ ਦੀ ਟੀਮ ਵੱਲੋਂ ਐਸਟੀਐਫ ਦੀ ਸਾਂਝੀ ਟੀਮ ਨਾਲ ਮਿਲ ਕੇ ਅਚਨਚੇਤ ਮੈਡੀਕਲ ਸਟੋਰਾਂ ਦੀ ਚੈਕਿੰਗ ਕੀਤੀ ਗਈ ਜਿਨ੍ਹਾਂ ਵਿੱਚ ਪੀਜੀ ਫਾਰਮਾ, ਬਾਂਸਲ ਮੈਡੀਕਲ ਹਾਲ ਅਤੇ ਐਡਵਾਂਸ ਫਾਰਮਾ ਦਾ ਨਿਰੀਖਣ ਕੀਤਾ ਗਿਆ। ਇਸ ਦੌਰਾਨ ਦੋ ਦੁਕਾਨਾਂ ਤੋਂ ਆਮ ਉਲੰਘਣਾਵਾਂ ਤੋਂ ਇਲਾਵਾ ਪ੍ਰੀਗਾਬਾਲਿਨ ਦੀਆਂ 80-90 ਕੱਟੀਆਂ ਹੋਈਆਂ ਗੋਲੀਆਂ ਜ਼ਬਤ ਕੀਤੀਆਂ ਗਈਆਂ। ਡਰੱਗ ਟੀਮ ਵੱਲੋਂ ਇਨ੍ਹਾਂ ਖਿਲਾਫ ਅਗਲੇਰੀ ਕਾਰਵਾਈ ਲਈ ਰਿਪੋਰਟ ਉੱਚ ਅਧਿਕਾਰੀਆਂ ਨੂੰ ਭੇਜੀ ਜਾਵੇਗੀ।