ਹਰਿਆਣਾ: ਭਿਵਾਨੀ ਦੀ ਗੱਦਾ ਫੈਕਟਰੀ ਵਿੱਚ ਅੱਗ; ਸਿਲੰਡਰ ਫਟੇ
05:36 PM Mar 31, 2024 IST
Advertisement
ਭਿਵਾਨੀ, 31 ਮਾਰਚ
ਇਥੋਂ ਦੀ ਗੱਦਾ ਫੈਕਟਰੀ ਵਿਚ ਅੱਜ ਅਚਾਨਕ ਅੱਗ ਲੱਗ ਗਈ। ਇਸ ਮੌਕੇ ਫਾਇਰ ਬ੍ਰਿਗੇਡ ਤੇ ਪੁਲੀਸ ਟੀਮਾਂ ਨੇ ਅੱਗ ’ਤੇ ਕਾਬੂ ਪਾਉਣ ਲਈ ਕਾਫੀ ਯਤਨ ਕੀਤੇ। ਅੱਗ ਲੱਗਣ ਤੋਂ ਬਾਅਦ ਫੈਕਟਰੀ ਵਿਚ ਰੱਖੇ ਗੈਸ ਦੇ ਸਿਲੰਡਰ ਫਟ ਗਏ। ਇਸ ਫੈਕਟਰੀ ਵਿਚ ਅੱਠ ਗਊਆਂ ਵੀ ਸਨ ਜਿਨ੍ਹਾਂ ਦੀ ਦਮ ਘੁਟਣ ਕਾਰਨ ਮੌਤ ਹੋ ਗਈ। ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਜਾਂਚ ਕੀਤੀ ਜਾ ਰਹੀ ਹੈ ਕਿ ਅੱਗ ਕਿਵੇਂ ਲੱਗੀ। ਇਸ ਮੌਕੇ ਫੈਕਟਰੀ ਕਰਮੀ ਸੁਰੱਖਿਅਤ ਹਨ ਤੇ ਕੋਈ ਜਾਨੀ ਨੁਕਸਾਨ ਹੋਣ ਦੀ ਸੂਚਨਾ ਨਹੀਂ ਹੈ। ਅੱਗ ਲੱਗਣ ਤੋਂ ਬਾਅਦ ਧੂੰਆਂ ਦੋ ਕਿਲੋਮੀਟਰ ਤਕ ਫੈਲ ਗਿਆ ਜਿਸ ਕਾਰਨ ਲੋਕਾਂ ਨੂੰ ਸਾਹ ਲੈਣ ਵਿਚ ਖਾਸੀ ਮੁਸ਼ਕਲ ਆਈ।
Advertisement
Advertisement