ਹੈਫੇਡ ਨੇ 18,627.67 ਮੀਟਰਿਕ ਟਨ ਸੂਰਜਮੁਖੀ ਦੀ ਫਸਲ ਖਰੀਦੀ

ਪੱਤਰ ਪ੍ਰੇਰਕ

ਸ਼ਾਹਬਾਦ ਮਾਰਕੰਡਾ, 27 ਜੂਨ

ਜ਼ਿਲ੍ਹਾ ਡਿਪਟੀ ਕਮਿਸ਼ਨਰ ਸ਼ਾਂਤਨੂੰ ਸ਼ਰਮਾ ਨੇ ਕਿਹਾ ਕਿ ਜ਼ਿਲ੍ਹੇ ਦੀਆਂ ਛੇ ਮੰਡੀਆਂ ਵਿਚ ਸੂਰਜਮੁਖੀ ਦੀ ਖਰੀਦ ਦਾ ਕੰਮ ਸੁਚਾਰੂ ਰੂਪ ਵਿਚ ਚਲ ਰਿਹਾ ਹੈ। ਹੈਫੇਡ ਨੇ 25 ਜੂਨ ਤੱਕ ਮੰਡੀਆਂ ਵਿਚ 1009.68 ਮੀਟਰਿਕ ਟਨ ਫਸਲ ਦੀ ਖਰੀਦ ਕੀਤੀ ਸੀ। ਹੁਣ ਤੱਕ ਹੈਫੇਡ ਨੇ 18,627.67 ਮੀਟਰਿਕ ਟਨ ਸੂਰਜਮੁਖੀ ਦੀ ਫਸਲ ਖਰੀਦ ਲਈ ਹੈ। ਡੀਸੀ ਨੇ ਖਰੀਦ ਦੇ ਕੰਮ ਬਾਰੇ ਦੱਸਦੇ ਹੋਏ ਕਿਹਾ ਕਿ ਸੂਬਾ ਸਰਕਾਰ ਦੇ ਆਦੇਸ਼ ਮੁਤਾਬਕ 5 ਜੂਨ ਤੋਂ ਸੂਰਜਮੁਖੀ ਦੀ ਫਸਲ ਦੀ ਖਰੀਦ ਦਾ ਕੰਮ ਚਲ ਰਿਹਾ ਹੈ, ਜਿਸ ਵਿਚ 25 ਜੂੁਨ ਤੱਕ ਹੈਫੇਡ ਨੇ ਬਾਬੈਨ ਮੰਡੀ ‘ਚ 84.50 ਮੀਟਰਿਕ ਟਨ, ਇਸਮਾਈਲਾਬਾਦ ਮੰਡੀ ‘ਚ 94 ਐੱਮਟੀ, ਸ਼ਾਹਬਾਦ ਮੰਡੀ ‘ਚ 702.74, ਲਾਡਵਾ ਮੰਡੀ ‘ਚ 15.15 ਐੱਮਟੀ, ਥਾਨੇਸਰ ਮੰਡੀ ਵਿੱਚ 36.29 ਐੱਮਟੀ ਸੂਰਜਮੁਖੀ ਦੀ ਖਰੀਦ ਦਾ ਕੰਮ ਨੇਪਰੇ ਚਾੜ ਲਿਆ ਹੈ।