ਸਰਕਾਰ ਵੱਲੋਂ ਸੋਨਾ ਮੁਦਰੀਕਰਨ ਸਕੀਮ ਬੰਦ
04:40 AM Mar 27, 2025 IST
FILE PHOTO: Gold bars are displayed at a gold jewellery shop in the northern Indian city of Chandigarh May 8, 2012. Gold imports by India, the world's biggest buyer of bullion, could rise on pent-up demand from jewellers after the federal government decided to scrap an excise duty on jewellery it imposed in March, the head of a trade body said on Monday. REUTERS/Ajay Verma (INDIA - Tags: BUSINESS COMMODITIES)/File Photo
ਨਵੀਂ ਦਿੱਲੀ, 26 ਮਾਰਚ
Advertisement
ਸਰਕਾਰ ਨੇ ਮਾਰਕੀਟ ਦੀ ਬਦਲਦੀ ਸਥਿਤੀ ਦੇ ਮੱਦੇਨਜ਼ਰ ਅੱਜ (ਬੁੱਧਵਾਰ) ਤੋਂ ਸ਼ੁਰੂ ਹੋਣ ਵਾਲੀ ਸੋਨਾ ਮੁਦਰੀਕਰਨ ਯੋਜਨਾ (ਜੀਐੱਮਐੱਸ) ਬੰਦ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਵਿੱਤ ਮੰਤਰਾਲੇ ਨੇ ਇਹ ਜਾਣਕਾਰੀ ਦਿੱਤੀ। ਮੰਤਰਾਲੇ ਨੇ ਮੰਗਲਵਾਰ ਨੂੰ ਬਿਆਨ ’ਚ ਕਿਹਾ ਕਿ ਹਾਲਾਂਕਿ ਬੈਂਕਾਂ ਆਪਣੀਆਂ ਥੋੜ੍ਹੀ ਮਿਆਦ ਵਾਲੀਆਂ ਸੋਨਾ ਜਮ੍ਹਾਂ ਸਕੀਮਾਂ (1 ਤੋਂ 3 ਸਾਲ) ਜਾਰੀ ਰੱਖ ਸਕਦੀਆਂ ਹਨ।
ਨਵੰਬਰ 2024 ਤੱਕ ਜੀਐੱਮਐੱਸ ਤਹਿਤ ਲਗਪਗ 31,164 ਕਿੱਲੋ ਸੋਨਾ ਇਕੱਠਾ ਹੋਇਆ ਹੈ। ਸੋਨਾ ਮੁਦਰੀਕਰਨ ਸਕੀਮ ਦਾ ਐਲਾਨ 15 ਸਤੰਬਰ 2015 ਨੂੰ ਕੀਤਾ ਗਿਆ ਸੀ ਜਿਸ ਦਾ ਉਦੇਸ਼ ਸੋਨੇ ਦੀ ਦਰਾਮਦ ਤੋਂ ਨਿਰਭਰਤਾ ਘਟਾਉਣਾ ਸੀ ਅਤੇ ਉਤਪਾਦਕ ਉਦੇਸ਼ਾਂ ਲਈ ਇਸ ਦੀ ਵਰਤੋਂ ਸੁਚਾਰੂ ਬਣਾਉਣ ਲਈ ਦੇਸ਼ ’ਚ ਘਰਾਂ ਤੇ ਸੰਸਥਾਵਾਂ ਵੱਲੋਂ ਰੱਖੇ ਗਏ ਸੋਨੇ ਨੂੰ ਇਕੱਠਾ ਕਰਨਾ ਸੀ। ਜੀਐੱਮਐੈੱਸ ਵਿੱਚ ਛੋਟੀ ਮਿਆਦ ਦੀ ਬੈਂਕ ਡਿਪੌਜ਼ਿਟ ਸਕੀਮ (1-3 ਸਾਲ), ਦਰਮਿਆਨੀ ਮਿਆਦ ਦੀ ਸਰਕਾਰੀ ਜਮ੍ਹਾਂ ਸਕੀਮ (5-7 ਸਾਲ) ਅਤੇ ਲੰਬੀ ਮਿਆਦ ਦੀ ਸਰਕਾਰੀ ਜਮ੍ਹਾਂ ਸਕੀਮ (12-15 ਸਾਲ) ਸ਼ਾਮਲ ਹਨ।
Advertisement
ਮੰਤਰਾਲੇ ਨੇ ਕਿਹਾ, ‘‘ਸੋਨਾ ਮੁਦਰੀਕਰਨ ਸਕੀਮ (ਜੀਐੱਮਐੱਸ) ਦੇ ਮੁਲਾਂਕਣ ਤੇ ਮਾਰਕੀਟ ’ਚ ਉੱਭਰ ਰਹੀਆਂ ਸਥਿਤੀਆਂ ਦੇ ਆਧਾਰ ’ਤੇ 26 ਮਾਰਚ 2025 ਤੋਂ ਜੀਐੱਮਐੱਸ ਰਾਹੀਂ ਮਿਆਦੀ ਲੰਬੇ ਸਮੇਂ ਲਈ ਸਰਕਾਰੀ ਜਮ੍ਹਾਂ (ਐੱਮਐੱਲਟੀਜੀਡੀ) ਕੰਪੋਨੈਂਟਾਂ ਨੂੰ ਬੰਦ ਕਰਨ ਦਾ ਫ਼ੈਸਲਾ ਲਿਆ ਗਿਆ ਹੈ।’’ -ਪੀਟੀਆਈ
Advertisement