ਕਿਰਦਾਰ ’ਚ ਖੁੱਭਣਾ ਹਮੇਸ਼ਾ ਚੁਣੌਤੀਪੂਰਨ ਹੁੰਦੈ: ਤੱਬੂ

ਮੁੰਬਈ: ਉੱਘੀ ਅਦਾਕਾਰਾ ਤੱਬੂ ਨੇ ਕਿਹਾ ਕਿ ਫ਼ਿਲਮ ‘ਖ਼ੁਫ਼ੀਆ’ ਵਿੱਚ ਉਸ ਨੂੰ ਬਾਕੀ ਸਟਾਰ ਕਾਸਟ ਨਾਲੋਂ ਪਹਿਲਾਂ ਚੁਣ ਲਿਆ ਗਿਆ ਸੀ। ਇਸ ਕਾਰਨ ਉਹ ਲੰਮੇ ਸਮੇਂ ਤੋਂ ਇਸ ਫ਼ਿਲਮ ਨਾਲ ਜੁੜੀ ਹੋਈ ਹੈ। ਅਦਾਕਾਰਾ ਨੇ ਦੱਸਿਆ ਕਿ ਕਿਸੇ ਕਿਰਦਾਰ ’ਚ ਖੁੱਭ ਜਾਣਾ ਜਾਂ ਗੰਭੀਰਤਾ ਨਾਲ ਨਿਭਾਉਣਾ ਹਮੇਸ਼ਾ ਚੁਣੌਤੀਪੂਰਨ ਤੇ ਸ਼ਾਨਦਾਰ ਅਨੁਭਵ ਹੁੰਦਾ ਹੈ। ਇਸ ਫ਼ਿਲਮ ਵਿੱਚ ਤੱਬੂ ਨੂੰ ਰਾਅ ਦੀ ਏਜੰਟ ਵਜੋਂ ਦਿਖਾਇਆ ਗਿਆ ਹੈ, ਜਿਸ ਲਈ, ਉਸ ਦਾ ਕੰਮ ਅਤੇ ਦੇਸ਼ ਸਭ ਤੋਂ ਪਹਿਲਾਂ ਹੁੰਦਾ ਹੈ। ਫ਼ਿਲਮ ਵਿੱਚ ਤੱਬੂ ਮਹਿਜ਼ ਖ਼ੁਫ਼ੀਆ ਏਜੰਟ ਹੀ ਨਹੀਂ, ਸਗੋਂ ਪਿਆਰ ਕਰਨ ਵਾਲੀ ਮਾਂ ਅਤੇ ਇੱਕ ਵਚਨਬੱਧ ਸਾਥੀ ਵਜੋਂ ਵੀ ਵਿਚਰਦੀ ਹੈ। ਆਪਣੇ ਕਿਰਦਾਰ ਬਾਰੇ ਗੱਲ ਕਰਦਿਆਂ, ਤੱਬੂ ਨੇ ਕਿਹਾ ਕਿ ਮੇਰਾ ਇਸ ਫ਼ਿਲਮ ਨਾਲ ਕਾਫ਼ੀ ਲਗਾਅ ਹੈ।’’ ਫ਼ਿਲਮ ‘ਖੁਫੀਆ’ ਵਿਸ਼ਾਲ ਭਾਰਦਵਾਜ ਵੱਲੋਂ ਬਣਾਈ ਗਈ ਹੈ। ਇਸ ਫ਼ਿਲਮ ਵਿੱਚ ਵਾਮਿਕਾ ਗੱਬੀ ਅਤੇ ਅਲੀ ਫਜ਼ਲ ਨੇ ਵੀ ਕੰਮ ਕੀਤਾ ਹੈ। ਫ਼ਿਲਮ ਪੰਜ ਅਕਤੂਬਰ ਤੋਂ ਨੈੱਟਫਲਿਕਸ ’ਤੇ ਦਿਖਾਈ ਜਾਵੇਗੀ। -ਆਈਏਐੱਨਐੱਸ