ਮੋਟਰਸਾਈਕਲ ਚੋਰੀ ਕਰਨ ਵਾਲੇ ਤਿੰਨ ਕਬਾੜੀਆਂ ਦਾ ਗਰੋਹ ਬੇਨਕਾਬ

ਪੱਤਰ ਪ੍ਰੇਰਕ
ਤਰਨ ਤਾਰਨ, 29 ਅਗਸਤ
ਥਾਣਾ ਸਿਟੀ ਦੀ ਪੁਲੀਸ ਨੇ ਕਬਾੜੀਆਂ ਦੇ ਤਿੰਨ-ਮੈਂਬਰੀ ਗਰੋਹ ਦੇ ਇੱਕ ਮੈਂਬਰ ਨੂੰ ਕਾਬੂ ਕੀਤਾ ਹੈ| ਪੁਲੀਸ ਨੇ ਉਸ ਕੋਲੋਂ ਚੋਰੀ ਕੀਤਾ ਬਿਨਾਂ ਨੰਬਰੀ ਇੱਕ ਮੋਟਰਸਾਈਕਲ ਵੀ ਕਬਜ਼ੇ ਵਿੱਚ ਲਿਆ ਹੈ| ਮੁਲਜ਼ਮ ਨੂੰ ਗ੍ਰਿਫਤਾਰ ਕਰਨ ਵਾਲੇ ਪੁਲੀਸ ਅਧਿਕਾਰੀ ਏ ਐੱਸ ਆਈ ਗੁਰਭੇਜ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਵਿੱਚ ਲਵਜੀਤ ਸਿੰਘ ਬੱਬਾ, ਤੀਰਥ ਸਿੰਘ ਅਤੇ ਉਸ ਦਾ ਲੜਕਾ ਰਾਜਬੀਰ ਸਿੰਘ ਰਾਜਾ ਵਾਸੀ ਗਿੱਲ ਵੜੈਚ ਪਿੰਡ ਸ਼ਾਮਲ ਹਨ|
ਪੁਲੀਸ ਅਧਿਕਾਰੀ ਏਐੱਸਆਈ ਗੁਰਭੇਜ ਸਿੰਘ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਨੇ ਤਰਨ ਤਾਰਨ-ਝਬਾਲ ਚੌਕ ’ਚ ਨਾਕਾ ਲਗਾਇਆ ਹੋਇਆ ਸੀ ਕਿ ਉੱਥੇ ਲਵਜੀਤ ਸਿੰਘ ਨੂੰ ਚੋਰੀ ਕੀਤੇ ਇੱਕ ਮੋਟਰਸਾਈਕਲ ਸਮੇਤ ਕਾਬੂ ਕੀਤਾ ਗਿਆ| ਉਨ੍ਹਾਂ ਵੱਲੋਂ ਮੁਲਜ਼ਮ ਕੋਲੋਂ ਕੀਤੀ ਗਈ ਮੁੱਢਲੀ ਪੁੱਛ-ਪੜਤਾਲ ’ਚ ਪਤਾ ਲੱਗਾ ਕਿ ਮੁਲਜ਼ਮ ਚੋਰੀ ਕੀਤੇ ਮੋਟਰਸਾਈਕਲਾਂ ਦੀ ਭੰਨ-ਤੋੜ ਕਰ ਕੇ ਉਸ ਦੇ ਸਾਮਾਨ ਵਗੈਰਾ ਨੂੰ ਕਬਾੜ ਦੇ ਸਾਮਾਨ ਦੇ ਤੌਰ ’ਤੇ ਅੱਗੇ ਵੇਚ ਦਿੰਦੇ ਸਨ| ਮੁਲਜ਼ਮਾਂ ਤੀਰਥ ਸਿੰਘ ਅਤੇ ਉਸਦੇ ਲੜਕੇ ਰਾਜਬੀਰ ਸਿੰਘ ਰਾਜਾ ਨੂੰ ਅਜੇ ਗ੍ਰਿਫ਼ਤਾਰ ਕਰਨਾ ਬਾਕੀ ਹੈ| ਪੁਲੀਸ ਨੇ ਕੇਸ ਦਰਜ ਕੀਤਾ ਹੈ|