ਫ਼ਰੀਦਕੋਟ ਦੀ ਗਗਨਦੀਪ ਏਡੀਓ ਬਣੀ

ਫਰੀਦਕੋਟ: ਸ਼ਹਿਰ ਫਰੀਦਕੋਟ ਦੀ ਧੀ ਗਗਨਦੀਪ ਕੌਰ ਨੇ ਐਗਰੀਕਲਚਰ ਵਿਭਾਗ ਦੀ ਲਿਖਤੀ ਪ੍ਰੀਖਿਆ ਦੇ ਕੇ ਪੰਜਾਬ ਭਰ ’ਚੋਂ 74ਵਾਂ ਸਥਾਨ ਹਾਸਲ ਕਰਕੇ ਐਗਰੀਕਲਚਰ ਡਿਵੈੱਲਪਮੈਂਟ ਅਫ਼ਸਰ ਦਾ ਅਹੁਦਾ ਪ੍ਰਾਪਤ ਕੀਤਾ। ਇਹ ਅਹੁਦਾ ਹਾਸਲ ਕਰਨ ਤੋਂ ਬਾਅਦ ਉਸ ਨੇ ਸਥਾਨਕ ਧਾਰਮਿਕ ਇਤਿਹਾਸਕ ਅਸਥਾਨ ਟਿੱਲਾ ਬਾਬਾ ਫਰੀਦ ਵਿਖੇ ਮੱਥਾ ਟੇਕਿਆ। ਇਸ ਮੌਕੇ ਬਾਬਾ ਫ਼ਰੀਦ ਧਾਰਮਿਕ ਅਤੇ ਵਿੱਦਿਅਕ ਸੰਸਥਾਵਾਂ ਦੇ ਸੇਵਾਦਾਰ ਮਹੀਪਇੰਦਰ ਸਿੰਘ ਨੇ ਗਗਨਦੀਪ ਕੌਰ ਨੂੰ ਸਿਰੋਪਾਓ ਦੇ ਕੇ ਸਨਮਾਨਿਤ ਕੀਤਾ। ਮਹੀਪਇੰਦਰ ਸਿੰਘ ਨੇ ਦੱਸਿਆ ਕਿ ਇਹ ਫਰੀਦਕੋਟ ਲਈ ਬੜੇ ਹੀ ਮਾਣ ਦੀ ਗੱਲ ਹੈ ਕਿ ਗਗਨਦੀਪ ਕੌਰ ਨੇ ਸਧਾਰਨ ਪਰਿਵਾਰ ਵਿੱਚੋਂ ਉਠ ਕੇ ਪੰਜਾਬ ਸਰਕਾਰ ਦਾ ਏ-ਕਲਾਸ ਅਫਸਰ ਰੈਂਕ ਪ੍ਰਾਪਤ ਕੀਤਾ ਹੈ। -ਨਿੱਜੀ ਪੱਤਰ ਪ੍ਰੇਰਕ