ਜਲ ਸੈਨਾ ਦੇ ਕਮਾਂਡਰਾਂ ਦਾ ਚਾਰ ਰੋਜ਼ਾ ਕਾਨਕਲੇਵ ਅੱਜ ਤੋਂ

ਨਵੀਂ ਦਿੱਲੀ:

ਭਾਰਤੀ ਜਲਸੈਨਾ ਦੇ ਸਿਖ਼ਰਲੇ ਕਮਾਂਡਰ ਮੰਗਲਵਾਰ ਤੋਂ ਸ਼ੁਰੂ ਹੋ ਰਹੀ ਚਾਰ ਰੋਜ਼ਾ ਕਾਨਕਲੇਵ ਦੌਰਾਨ ਹਿੰਦ ਮਹਾਸਾਗਰ ਵਿਚ ਚੀਨ ਦੇ ਵਧਦੇ ਹਮਲਾਵਰ ਰੁਖ਼ ਸਣੇ ਭਾਰਤ ਨੂੰ ਸਾਗਰੀ ਸੁਰੱਖਿਆ ਬਾਰੇ ਦਰਪੇਸ਼ ਚੁਣੌਤੀਆਂ ’ਤੇ ਵਿਆਪਕ ਨਜ਼ਰਸਾਨੀ ਕਰਨਗੇ। ਇਨ੍ਹਾਂ ਕਮਾਂਡਰਾਂ ਵੱਲੋਂ ਲਾਲ ਸਾਗਰ ਤੇ ਨਾਲ ਲੱਗਦੇ ਇਲਾਕਿਆਂ, ਜਿੱਥੇ ਪਿਛਲੇ ਕੁਝ ਹਫ਼ਤਿਆਂ ਦੌਰਾਨ ਹੂਤੀ ਬਾਗ਼ੀਆਂ ਨੇ ਮਾਲਵਾਹਕ ਬੇੜਿਆਂ ’ਤੇ ਉਪਰੋਥੱਲੀ ਹਮਲੇ ਕੀਤੇ ਹਨ, ਦੇ ਹਾਲਾਤ ਬਾਰੇ ਵੀ ਨਜ਼ਰਸਾਨੀ ਕੀਤੀ ਜਾਵੇਗੀ। ਜਲਸੈਨਾ ਦੇ ਤਰਜਮਾਨ ਕਮਾਂਡਰ ਵਿਵੇਕ ਮਧਵਾਲ ਨੇ ਕਿਹਾ ਕਿ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਕੌਮੀ ਸੁਰੱਖਿਆ ਨਾਲ ਜੁੜੇ ਮੁੱਦਿਆਂ ਤੇ ਦੇਸ਼ ਦੀਆਂ ਆਸਾਂ ਤੇ ਉਮੀਦਾਂ ਬਾਰੇ ਕਮਾਂਡਰਾਂ ਨੂੰ ਸੰਬੋਧਨ ਕਰਨਗੇ। ਕਾਨਫਰੰਸ ਦਾ ਆਗਾਜ਼ ਜਲਸੈਨਾ ਮੁਖੀ ਐਡਮਿਰਲ ਦਿਨੇਸ਼ ਕੇ.ਤ੍ਰਿਪਾਠੀ ਦੇ ਉਦਘਾਟਨੀ ਭਾਸ਼ਣ ਨਾਲ ਹੋਵੇਗਾ। -ਪੀਟੀਆਈ