ਹਥਿਆਰਾਂ ਸਣੇ ਚਾਰ ਕਾਬੂ, ਇੱਕ ਦੀ ਭਾਲ ਜਾਰੀ

ਗੁਰਿੰਦਰ ਸਿੰਘ
ਲੁਧਿਆਣਾ, 25 ਨਵੰਬਰ
ਥਾਣਾ ਮੋਤੀ ਨਗਰ ਦੀ ਪੁਲੀਸ ਨੇ ਚਾਰ ਜਣਿਆਂ ਨੂੰ ਤੇਜ਼ਧਾਰ ਹਥਿਆਰਾਂ ਸਣੇ ਕਾਬੂ ਕੀਤਾ ਹੈ ਜਦਕਿ ਉਨ੍ਹਾਂ ਦੇ ਇੱਕ ਸਾਥੀ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਸ ਸਬੰਧੀ ਥਾਣੇਦਾਰ ਅਜਮੇਰ ਸਿੰਘ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਗਸ਼ਤ ਦੌਰਾਨ ਐਵਰੈਸਟ ਸਕੂਲ ਮੋਤੀ ਨਗਰ ਨੇੜੇ ਟੀ-ਪੁਆਇੰਟ ’ਤੇ ਮੌਜੂਦ ਸੀ ਤਾਂ ਸੂਚਨਾ ਮਿਲੀ ਕਿ ਕੁੱਝ ਲੋਕ ਗਲਾਡਾ ਗਰਾਉਂਡ ਵਿੱਚ ਬੈਠੇ ਕਿਸੇ ਫੈਕਟਰੀ ਵਿੱਚ ਡਾਕਾ ਮਾਰਨ ਦੀ ਯੋਜਨਾ ਬਣਾ ਰਹੇ ਹਨ। ਪੁਲੀਸ ਪਾਰਟੀ ਨੇ ਛਾਪਾ ਮਾਰ ਕੇ ਸੰਜੈ ਕੁਮਾਰ ਵਾਸੀ ਕੀਰਤੀ ਨਗਰ, ਸੰਨੀ ਕੁਮਾਰ ਵਾਸੀ ਨਿਊ ਮੋਤੀ ਨਗਰ, ਆਸ਼ੂ ਵਾਸੀ ਹਰਗੋਬਿੰਦਪੁਰਾ ਦਿੱਲੀ ਰੋਡ ਅਤੇ ਪੰਕਜ ਕੁਮਾਰ ਵਾਸੀ ਦੋਲਤ ਕਲੇਨੀ ਮਾਧੋਪੁਰੀ ਨੂੰ ਗ੍ਰਿਫ਼ਤਾਰ ਕਰ ਕੇ ਉਨ੍ਹਾਂ ਦੇ ਕਬਜ਼ੇ ’ਚੋਂ ਦੋ ਮੋਟਰਸਾਈਕਲ, ਇੱਕ ਦਾਤਰ ਲੋਹਾ, ਇੱਕ ਲੋਹੇ ਦਾ ਸਰੀਆ ਤੇ ਇੱਕ ਮੋਬਾਈਲ ਫੋਨ ਬਰਾਮਦ ਕੀਤਾ ਹੈ ਜਦਕਿ ਅਮਨ ਵਾਸੀ ਕੀਰਤੀ ਨਗਰ ਦੀ ਭਾਲ ਕੀਤੀ ਜਾ ਰਹੀ ਹੈ।