ਫਿਰੌਤੀ ਨਾ ਦੇਣ ’ਤੇ ਦੋ ਘਰਾਂ ਅੱਗੇ ਫਾਇਰਿੰਗ
07:28 AM Jul 20, 2024 IST
ਪੱਤਰ ਪ੍ਰੇਰਕ
ਤਰਨ ਤਾਰਨ, 19 ਜੁਲਾਈ
ਇਲਾਕੇ ਦੇ ਪਿੰਡ ਵਲਟੋਹਾ ’ਚ ਲੰਘੀ ਰਾਤ ਕਰਿਆਨਾ ਦੀ ਦੁਕਾਨ ਕਰਦੇ ਹਰਜੀਤ ਸਿੰਘ ਦੇ ਘਰ ਅੱਗੇ ਫਾਇਰਿੰਗ ਕਰ ਕੇ ਮੋਟਰਸਾਈਕਲ ਸਵਾਰ ਫਰਾਰ ਗਏ| ਹਰਜੀਤ ਸਿੰਘ ਨੇ ਪੁਲੀਸ ਨੂੰ ਦੱਸਿਆ ਕਿ ਉਸ ਨੂੰ ਪਿੰਡ ਦਾਸੂਵਾਲ ਦੇ ਪ੍ਰਭ ਵੱਲੋਂ 30 ਲੱਖ ਰੁਪਏ ਦੀ ਫਿਰੌਤੀ ਲਈ ਵਟਸਐਪ ’ਤੇ ਮੈਸੇਜ ਆਏ ਸਨ| ਪੁਲੀਸ ਅਧਿਕਾਰੀ ਸਬ ਇੰਸਪੈਕਟਰ ਚਰਨ ਸਿੰਘ ਨੇ ਦੱਸਿਆ ਕਿ ਇਸ ਸਬੰਧੀ ਵਲਟੋਹਾ ਪੁਲੀਸ ਨੇ ਕੇਸ ਦਰਜ ਕੀਤਾ ਹੈ| ਇਸ ਤੋਂ ਇਲਾਵਾ ਥਾਣਾ ਪੱਟੀ ਸਦਰ ਦੀ ਅਧੀਨ ਆਉਂਦੇ ਪਿੰਡ ਚੁਸਲੇਵੜ ਦੇ ਵਾਸੀ ਪ੍ਰਿੰਸਪਾਲ ਸਿੰਘ ਦੇ ਘਰ ਵੱਲ ਵੀਰਵਾਰ ਨੂੰ ਮੋਟਰਸਾਈਕਲ ਸਵਾਰ ਦੋ ਮੋਨੇ ਨਕਾਬਪੋਸ਼ ਗੋਲੀਆਂ ਮਾਰ ਕੇ ਫਰਾਰ ਹੋ ਗਏ| ਪ੍ਰਿੰਸਪਾਲ ਸਿੰਘ ਇਲਾਕੇ ਦੇ ਪਿੰਡ ਬੋਪਾਰਾਏ ਇਕ ਦੇਸੀ ਦਵਾਖਾਨਾਂ ਚਲਾਉਂਦਾ ਹੈ| ਪੁਲੀਸ ਅਧਿਕਾਰੀ ਏ ਐੱਸ ਆਈ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਸਬੰਧੀ ਕੇਸ ਦਰਜ ਕੀਤਾ ਗਿਆ ਹੈ|
Advertisement
Advertisement
Related News
Advertisement