ਜੇਐੱਮਕੇ ਇੰਟਰਨੈਸ਼ਨਲ ਸਕੂਲ ਵਿੱਚ ਵਿਦਾਇਗੀ ਪਾਰਟੀ

ਪਠਾਨਕੋਟ: ਜੇਐਮਕੇ ਇੰਟਰਨੈਸ਼ਨਲ ਸਕੂਲ ਵੱਲੋਂ 12ਵੀਂ ਕਲਾਸ ਦੇ ਵਿਦਿਆਰਥੀਆਂ ਨੂੰ ਫੇਅਰਵੈਲ ਪਾਰਟੀ ਦਿੱਤੀ ਗਈ। ਇਸ ਸਮਾਗਮ ਦੀ ਅਗਵਾਈ ਪ੍ਰਿੰਸੀਪਲ ਵਿਨੀਤਾ ਮਹਾਜਨ ਨੇ ਕੀਤੀ। ਜਦ ਕਿ ਸਕੂਲ ਦੀ ਡਾਇਰੈਕਟਰ ਤਾਨੀਆ ਸੂਦ, ਵਾਈਸ-ਪ੍ਰਿੰਸੀਪਲ ਅੰਜੂ ਸ਼ਰਮਾ, ਕੋਆਰਡੀਨੇਟਰ ਅਜੇ ਵਰਮਾ, ਅਮਿਤ, ਵਿਕਰਮ, ਪ੍ਰੀਤੀ, ਗੁਰਪ੍ਰੀਤ, ਰਿਚਾ, ਰਿਤੀਕਾ, ਅਨੂ, ਆਦਿਤਿਆ, ਅਨੁਜ ਧੀਮਾਨ ਆਦਿ ਵੀ ਹਾਜ਼ਰ ਸਨ। ਇਸ ਦੌਰਾਨ ਵਿਦਿਆਰਥੀਆਂ ਨੇ ਰੰਗਾਰੰਗ ਸਮਾਗਮ ਪੇਸ਼ ਕੀਤਾ ਅਤੇ ਵੱਖ-ਵੱਖ ਖੇਡਾਂ ਦੇ ਮੁਕਾਬਲੇ ਕਰਵਾਏ ਗਏ। ਇਸ ਮੌਕੇ ਵਿਦਿਆਰਥੀ ਜਨਿਤ ਜੌਹਲ ਨੂੰ ਮਿਸਟਰ ਜੇਐਮਕੇ, ਮਨੂਸ਼੍ਰੀ ਨੂੰ ਮਿਸ ਜੇਐਮਕੇ, ਕ੍ਰਤਿਗਿਆ ਮਹਾਜਨ ਨੂੰ ਮਿਸਟਰ ਹੈਂਡਸਮ ਅਤੇ ਮਾਨਿਆ ਸੋਨੇਜਾ ਨੂੰ ਮਿਸ ਬਿਊਟੀਫੁੱਲ, ਰਿਦਿਆਜੀਤ ਸਿੰਘ ਸਾਂਗਰੀ ਨੂੰ ਮਿਸਟਰ ਡਾਇਨਾਮਿਕ ਅਤੇ ਸੰਚਿਤਾ ਚੌਧਰੀ ਨੂੰ ਮਿਸ ਐਲੀਗੈਂਟ ਦੇ ਟੈਗ ਨਾਲ ਨਵਾਜਿਆ ਗਿਆ। ਪ੍ਰਿੰਸੀਪਲ ਵਿਨੀਤਾ ਮਹਾਜਨ ਨੇ ਵਿਦਿਆਰਥੀਆਂ ਵੱਲੋਂ ਕੀਤੀ ਗਈ ਪੇਸ਼ਕਾਰੀ ਦੀ ਤਾਰੀਫ ਕੀਤੀ। -ਪੱਤਰ ਪ੍ਰੇਰਕ