ਜੀ-20 ਥੀਮ ’ਤੇ ਫੈਕਲਟੀ ਡਿਵੈੱਲਪਮੈਂਟ ਪ੍ਰੋਗਰਾਮ

ਨਵੀਂ ਦਿੱਲੀ (ਪੱਤਰ ਪ੍ਰੇਰਕ):

ਗੁਰੂ ਨਾਨਕ ਕਾਲਜ ਆਫ ਐਜੂਕੇਸ਼ਨ ਵੈਸਟ ਪੰਜਾਬੀ ਬਾਗ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ‘ਜੀ20, ਇੱਕ ਧਰਤੀ, ਇੱਕ ਪਰਿਵਾਰ, ਇੱਕ ਭਵਿੱਖ: ਗੁਣਵੱਤਾਪੂਰਣ ਸਿੱਖਿਆ ਰਾਹੀਂ ਪ੍ਰਾਪਤੀ’ ਵਿਸ਼ੇ ’ਤੇ ਇੱਕ ਹਫ਼ਤੇ ਦਾ ਫੈਕਲਟੀ ਡਿਵੈੱਲਪਮੈਂਟ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਡਾ. ਸ਼ਾਲਿਨੀ ਯਾਦਵ, ਸਹਿਯੋਗੀ ਪ੍ਰੋਫੈਸਰ (ਯੂਐੱਸਈ, ਜੀਜੀਐੱਸਆਈਪੀਯੂ), ਡਾ. ਅਮਿਤ ਆਹੂਜਾ, ਸਹਿਯੋਗੀ ਪ੍ਰੋਫੈਸਰ (ਯੂਐੱਸਈ, ਜੀਜੀਐੱਸਆਈਪੀਯੂ) ਅਤੇ ਡਾ. ਅੰਜਲੀ ਸ਼ੌਕੀਨ (ਸੀਆਈਈ, ਡੀਯੂ) ਬੁਲਾਰੇ ਵਜੋਂ ਸ਼ਾਮਲ ਸਨ। ਮਹਿਮਾਨਾਂ ਵਿੱਚ ਪ੍ਰੋ. ਐੱਮਸੀ ਸ਼ਰਮਾ, ਪ੍ਰੋਜੈਕਟ ਡਾਇਰੈਕਟਰ (ਯੂਨਿਸੇਫ), ਪ੍ਰੋ. ਧਨੰਜਯ ਜੋਸ਼ੀ, ਕਲਪਤੀ, ਵਿਨੇ ਕੌਸ਼ਿਕ ਤੇ ਡਾ. ਈਸਰ ਹੁਸੈਨ ਸ਼ਾਮਲ ਹੋਏ। ਉਨ੍ਹਾਂ ਦੀਆਂ ਗਿਆਨਵਰਧਕ ਗੱਲਾਂ ਨੇ ਸਿੱਖਿਆ ਦੀ ਗੁਣਵੱਤਾ ਨੂੰ ਉੱਚਾ ਚੁੱਕਣ ਦੀ ਵਚਨਬੱਧਤਾ ਨੂੰ ਹੋਰ ਮਜ਼ਬੂਤ ਬਣਾਇਆ। ਇਸ ਮੌਕੇ ਹਰਮੀਤ ਸਿੰਘ ਕਾਲਕਾ, ਜਗਦੀਪ ਸਿੰਘ ਕਾਹਲੋਂ, ਮਨਜਿੰਦਰ ਸਿੰਘ ਸਿਰਸਾ ਅਤੇ ਪ੍ਰਿੰਸੀਪਲ ਡਾ. ਜਯੋਤੀ ਭੱਲਾ ਹਾਜ਼ਰ ਸਨ।