ਗੁੱਡਵਿਲ ਸਕੂਲ ਵਿੱਚ ਕਲਾ ਕਿਰਤਾਂ ਦੀ ਪ੍ਰਦਰਸ਼ਨੀ ਲਾਈ

ਪੱਤਰ ਪ੍ਰੇਰਕ
ਜੈਂਤੀਪੁਰ, 19 ਫਰਵਰੀ
ਗੁੱਡਵਿਲ ਇੰਟਰਨੈਸ਼ਨਲ ਸਕੂਲ ਢਡਿਆਲਾ ਨੱਤ ਵਿੱਚ ਸਕੂਲ ਦੇ ਸੋਭਾ ਸਿੰਘ ਚਿੱਤਰਕਾਰ ਆਰਟ ਕਲੱਬ ਵੱਲੋਂ ਪ੍ਰਦਰਸ਼ਨੀ ਲਾਈ ਗਈ, ਜਿਸ ਵਿੱਚ 170 ਤੋਂ ਵੱਧ ਬੱਚਿਆਂ ਨੇ ਭਾਗ ਲਿਆ। ਇਸ ਮੌਕੇ ਕਲਾ ਕਿਰਤਾਂ ਦੀਆਂ ਤਿੰਨ ਸ਼੍ਰੇਣੀਆਂ ਹੈਂਡੀ ਕਰਾਫਟ, ਕਲੇਅ ਮੋਲਡਿੰਗ ਅਤੇ ਫਾਲਤੂ ਸਾਮਾਨ ਤੋਂ ਕਲਾ ਕਿਰਤਾਂ ਤਿਆਰ ਕਰਵਾ ਕੇ ਆਈਟਮਾਂ ਦੇ ਮੁਕਾਬਲੇ ਕਰਵਾਏ ਗਏ। ਇਸ ਮੌਕੇ ਜੂਨੀਅਰ ਵਰਗ ਵਿੱਚ ‘ਵੰਡਰ ਫਰੌਮ ਵੇਸਟ’ ਮੁਕਾਬਲੇ ਵਿੱਚ ਮਨਕੀਰਤ ਕੌਰ, ਹਰਮਨਦੀਪ ਕੌਰ, ਅਤੇ ਸੂਰਜਦੀਪ ਸਿੰਘ ਕ੍ਰਮਵਾਰ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ ’ਤੇ ਰਹੇ। ਕਲੇਅ ਮੋਲਡਿੰਗ ਵਿੱਚ ਅਗਮਜੋਤ ਸਿੰਘ ਤੇ ਹਿੰਮਤ ਸਿੰਘ, ਪੇਪਰ ਕਰਾਫਟ ਵਿੱਚ ਹਰਸਿਮਰਨਪ੍ਰੀਤ ਕੌਰ, ਅਨਹਦ ਸਿੰਘ ਅਤੇ ਮਹਿਕਦੀਪ ਕੌਰ ਕ੍ਰਮਵਾਰ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ ’ਤੇ ਰਹੇ। ਸੀਨੀਅਰ ਵਰਗ ਵਿੱਚ ‘ਬੈਸਟ ਫਰੌਮ ਵੇਸਟ’ ਮੁਕਾਬਲੇ ਵਿੱਚ ਸਮਰ ਕੌਰ, ਕੁਲਨੂਰ ਕੌਰ ਅਤੇ ਸੁਖਚੈਨ ਸਿੰਘ, ਕਲੇਅ ਮੋਲਡਿੰਗ ਵਿੱਚ ਗੁਰਕੀਰਤ ਸਿੰਘ, ਪ੍ਰਭਦੀਪ ਕੌਰ ਅਤੇ ਅਭੀਜੋਤ ਸਿੰਘ, ਪੇਪਰ ਕਰਾਫਟ ਵਿੱਚ ਗੁਰਵਿੰਦਰ ਸਿੰਘ, ਜਸਮੀਤ ਕੌਰ ਅਤੇ ਏਕਨੂਰ ਕੌਰ ਕ੍ਰਮਵਾਰ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ ’ਤੇ ਰਹੇ। ਇਸ ਮੌਕੇ ਜੇਤੂ ਬੱਚਿਆਂ ਨੂੰ ਚੇਅਰਮੈਨ ਗੁਰਦਿਆਲ ਸਿੰਘ, ਡਾਇਰੈਕਟਰ ਪ੍ਰਿੰਸੀਪਲ ਗੁਰਬਿੰਦਰ ਕੌਰ, ਪ੍ਰਿੰਸੀਪਲ ਅਮਨਦੀਪ ਸਿੰਘ, ਕਲੱਬ ਇੰਚਾਰਜ ਜਸਬੀਰ ਕੌਰ ਅਤੇ ਰਮਨਦੀਪ ਕੌਰ ਨੇ ਸਨਮਾਨਿਤ ਕੀਤਾ।