ਬੱਸ ਡਰਾਈਵਰ ਦੀ ਸੂਝ-ਬੂਝ ਸਦਕਾ ਹਾਦਸਾ ਟਲਿਆ
10:51 AM Jun 08, 2024 IST
Advertisement
ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 7 ਜੂਨ
ਅੰਬਾਲਾ ਛਾਉਣੀ ਬੱਸ ਸਟੈਂਡ ਤੇ ਅੱਜ ਇਕ ਬੱਸ ਦੀਆਂ ਬਰੇਕਾਂ ਫੇਲ੍ਹ ਹੋ ਗਈਆਂ ਪਰੰਤੂ ਡਰਾਈਵਰ ਦੀ ਸੂਝ-ਬੂਝ ਨਾਲ ਹਾਦਸਾ ਟਲ਼ ਗਿਆ। ਸੂਤਰਾਂ ਅਨੁਸਾਰ ਅੱਜ ਸਵੇਰੇ ਇਕ ਬੱਸ ਸਵਾਰੀਆਂ ਲੈ ਕੇ ਅੰਬਾਲਾ ਸ਼ਹਿਰ ਤੋਂ ਸਾਹਾ ਇੰਡਸਟਰੀਅਲ ਏਰੀਏ ਵੱਲ ਜਾ ਰਹੀ ਸੀ। ਜਦੋਂ ਇਹ ਬੱਸ ਅੰਬਾਲਾ ਛਾਉਣੀ ਬੱਸ ਅੱਡੇ ’ਤੇ ਪਹੁੰਚੀ ਤਾਂ ਅਚਾਨਕ ਇਸ ਦੀਆਂ ਬਰੇਕਾਂ ਫੇਲ੍ਹ ਹੋ ਗਈਆਂ। ਬੱਸ ਵਿੱਚ ਕਰੀਬ 35 ਸਵਾਰੀਆਂ ਮੌਜੂਦ ਸਨ। ਡਰਾਈਵਰ ਰਾਮਪਾਲ ਨੇ ਦੱਸਿਆ ਕਿ ਉਸ ਨੇ ਬੱਸ ਉੱਥੇ ਪਏ ਪੱਥਰਾਂ ’ਤੇ ਚੜ੍ਹਾ ਦਿੱਤੀ ਜਿਸ ਨਾਲ ਬੱਸ ਦੀ ਸਪੀਡ ਬਹੁਤ ਹੌਲੀ ਹੋ ਗਈ ਅਤੇ ਉਸ ਨੂੰ ਤੁਰੰਤ ਰੋਕ ਦਿੱਤਾ ਗਿਆ।
Advertisement
Advertisement
Advertisement