ਵਾਹਨ ਦੀ ਫੇਟ ਵੱਜਣ ਕਾਰਨ ਨੌਜਵਾਨ ਰਜਵਾਹੇ ਵਿਚ ਡਿੱਗਿਆ, ਮੌਤ

ਬਠਿੰਡਾ (ਪੱਤਰ ਪ੍ਰੇਰਕ): ਗੋਨਿਆਣਾ ਜੈਤੋ ਬਾਈਪਾਸ ’ਤੇ ਕੋਟ ਭਾਈ ਰਜਵਾਹੇ ਨੇੜੇ ਪੈਦਲ ਜਾ ਰਹੇ ਨੌਜਵਾਨ ਨੂੰ ਪਿਕ ਅੱਪ ਡਾਲੇ ਨੇ ਫੇਟ ਮਾਰ ਦਿੱਤੀ ਤੇ ਨੌਜਵਾਨ ਕੋਟ ਭਾਈ ਰਜਵਾਹੇ ਵਿਚ ਜਾ ਡਿੱਗਿਆ। ਇਸ ਸਮੇਂ ਮੋਟਰਸਾਈਕਲ ਸਵਾਰ ਪਰਿਵਾਰ ਦੇ ਡੁੱਬਣ ਦੀ ਝੂਠੀ ਅਫ਼ਵਾਹ ਫੈਲੀ ਰਹੀ। ਮੌਕੇ ’ਤੇ ਪੁੱਜੀ ਐੱਨਡੀਆਰਐੱਫ ਦੀ ਟੀਮ ਦੇ ਗੋਤਾਖੋਰਾਂ ਵੱਲੋਂ ਕਈ ਘੰਟਿਆਂ ਦੀ ਕੋਸ਼ਿਸ਼ ਮਗਰੋਂ ਨੌਜਵਾਨ ਨੂੰ ਬਾਹਰ ਕੱਢਿਆ। ਮ੍ਰਿਤਕ ਦੀ ਪਛਾਣ ਨਰਿੰਦਰ ਸਿੰਘ (45) ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਬਲਹਾੜ ਵਿੰਝੂ ਵਜੋਂ ਹੋਈ ਹੈ। ਥਾਣਾ ਨੇਹੀਆਂ ਵਾਲਾ ਦੀ ਮੁੱਖ ਅਫ਼ਸਰ ਕਰਮਜੀਤ ਕੌਰ ਨੇ ਦੱਸਿਆ ਕਿ ਪਿਕਅੱਪ ਡਾਲੇ ਦੇ ਡਰਾਈਵਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।