ਪਾੜ੍ਹਿਆਂ ਵੱਲੋਂ ਬੱਸਾਂ ਚਲਾਉਣ ਦੀ ਮੰਗ

ਨਿੱਜੀ ਪੱਤਰ ਪ੍ਰੇਰਕ
ਬਠਿੰਡਾ, 21 ਅਗਸਤ
ਪੰਜਾਬ ਸਟੂਡੈਂਟਸ ਯੂਨੀਅਨ (ਸ਼ਹੀਦ ਰੰਧਾਵਾ) ਨਾਲ ਸਬੰਧਤ ਯੂਨੀਵਰਸਿਟੀ ਕਾਲਜ ਘੁੱਦਾ ਦੇ ਵਿਦਿਆਰਥੀਆਂ ਨੇ ਅੱਜ ਇਥੇ ਡੀਸੀ ਦਫ਼ਤਰ ਵਿੱਚ ਮੰਗ ਪੱਤਰ ਦੇ ਕੇ ਪੀਆਰਟੀਸੀ ਦੀ ਬੱਸ ਚਲਾਉਣ ਦੀ ਮੰਗ ਕੀਤੀ। ਆਕਾਸ਼, ਨਵਜੋਤ, ਗੁਰਵਿੰਦਰ, ਸੁਮਨ, ਅਮਨ ਨੇ ਦੱਸਿਆ ਕਿ ਉਨ੍ਹਾਂ ਨੇ ਪ੍ਰਸ਼ਾਸਨ ਕੋਲੋਂ ਮੰਗ ਕਰ ਕੇ ਲੰਬੀ ਤੋਂ ਘੁੱਦਾ ਕਾਲਜ ਤੱਕ ਵਿਸ਼ੇਸ਼ ਪਰਮਿਟ ਤਹਿਤ ਬੱਸ ਸ਼ੁਰੂ ਕਰਵਾਈ ਸੀ, ਜੋ ਕਿ ਛੁੱਟੀ ਮੌਕੇ ਹੁਣ ਬੰਦ ਕਰ ਦਿੱਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਡੱਬਵਾਲੀ ਤੋਂ ਕੋਟਲੀ, ਸਿੰਘੇਵਾਲਾ, ਬਾਂਡੀ , ਧੁੰਨੀਕੇ, ਨੰਦਗੜ੍ਹ, ਘੁੱਦਾ ਪਿੰਡਾਂ ਦੇ ਰੂਟ ’ਤੇ ਕਾਲਜ ਸਮੇਂ ਸਿਰਫ ਇੱਕ ਹੀ ਬੱਸ ਆਉਂਦੀ ਹੈ, ਜਿਸ ਕਾਰਨ ਭੀੜ ਹੋਣ ਕਰਕੇ ਵਿਦਿਆਰਥੀ ਕਾਲਜ ਸਮੇਂ ਸਿਰ ਨਹੀਂ ਪਹੁੰਚਦੇ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਰੂਟ ’ਤੇ ਇਕ ਹੋਰ ਪੀਆਰਟੀਸੀ ਦੀ ਬੱਸ ਚਲਾਈ ਜਾਵੇ।