ਸੜਕ ਹਾਦਸੇ ਵਿੱਚ ਮੌਤ

ਪੱਤਰ ਪ੍ਰੇਰਕ
ਤਰਨ ਤਾਰਨ, 24 ਨਵੰਬਰ
ਪਿੰਡ ਘੜਕਾ ਵਾਸੀ ਬੁੱਧੂ ਸਿੰਘ (45) ਦੀ ਮੌਤ ਇੱਕ ਸੜਕ ਹਾਦਸੇ ਵਿੱਚ ਹੋ ਗਈ ਹੈ| ਪਰਿਵਾਰ ਨੂੰ ਉਸ ਦੀ ਲਾਸ਼ ਪਿੰਡ ਗੁਜਰਪੁਰਾ ਨੂੰ ਜਾਂਦੇ ਰਾਹ ਤੋਂ ਮਿਲੀ ਹੈ| ਥਾਣਾ ਚੋਹਲਾ ਸਾਹਿਬ ਦੇ ਏਐੱਸਆਈ ਗੁਰਮੁੱਖ ਸਿੰਘ ਨੇ ਦੱਸਿਆ ਕਿ ਬੁੱਧੂ ਸਿੰਘ ਆਪਣੇ ਘਰੋਂ ਗੁਜਰਪੁਰਾ ਨੂੰ ਮਜ਼ਦੂਰੀ ਕਰਨ ਲਈ ਗਿਆ ਸੀ| ਉਹ ਜਦੋਂ ਦੇਰ ਸ਼ਾਮ ਤੱਕ ਘਰ ਆ ਨਾ ਆਇਆ ਤਾਂ ਉਸ ਦਾ ਵੱਡਾ ਭਰਾ ਬਲਵਿੰਦਰ ਸਿੰਘ ਉਸ ਦੀ ਭਾਲ ਲਈ ਗੁਜਰਪੁਰਾ ਗਿਆ ਜਿਸਨੂੰ ਰਾਹ ਵਿੱਚ ਸੜਕ ਦੇ ਕਿਨਾਰਿਓਂ ਬੁੱਧੂ ਸਿੰਘ ਦੀ ਲਾਸ਼ ਬਰਾਮਦ ਹੋਈ| ਉਸਦਾ ਸਿਰ ਬੁਰੀ ਤਰ੍ਹਾਂ ਨਾਲ ਫਿਸਿਆ ਹੋਇਆ ਸੀ ਜਿਸ ਤੋਂ ਸਮਝਿਆ ਜਾ ਰਿਹਾ ਹੈ ਕਿ ਉਸ ਨੂੰ ਕੋਈ ਅਣਪਛਾਤਾ ਵਾਹਨ ਕੁਚਲ ਗਿਆ ਸੀ| ਏਐੱਸਆਈ ਗੁਰਮੁੱਖ ਸਿੰਘ ਨੇ ਦੱਸਿਆ ਕਿ ਇਸ ਸਬੰਧੀ ਬੀਐੱਨਐੱਸ ਦੀ ਦਫ਼ਾ 106 (1) ਤੇ 281 ਅਧੀਨ ਕੇਸ ਦਰਜ ਕੀਤਾ ਗਿਆ ਹੈ|