ਨਹਿਰ ਵਿੱਚ ਰੁੜ੍ਹੇ ਦੋਸਤਾਂ ਦੀਆਂ ਲਾਸ਼ਾ ਮਿਲੀਆਂ

ਪੱਤਰ ਪ੍ਰੇਰਕ

ਟੋਹਾਣਾ, 6 ਜੂਨ

ਇੱਥੇ ਬੀਤੇ ਦਿਨ ਪਿੰਡ ਮੰਗਾਲੀ ਨੇੜੇ 15 ਫੁੱਟ ਡੂੰਘੀ ਨਹਿਰ ਵਿੱਚ ਰੁੜ੍ਹੇ ਦੋ ਦੋਸਤਾਂ ਦੀਆਂ ਲਾਸ਼ਾਂ ਪੁਲੀਸ ਦੀ ਮਦਦ ਨਾਲ ਅੱਜ ਮਿਲ ਗਈਆਂ। ਇਸ ਮਗਰੋਂ ਪੁਲੀਸ ਚੌਕੀ ਇੰਚਾਰਜ ਜੈਵੀਰ ਨੇ ਦੱਸਿਆ ਕਿ ਦੀਪਕ (18) ਪਿੰਡ ਬਰਾੜਖੇੜਾ (ਜੀਂਦ) ਦਾ ਰਹਿਣ ਵਾਲਾ ਹੈ। ਉਹ ਹਿਸਾਰ ਜੇਈਈ ਅਡਵਾਂਸ ਦੀ ਪ੍ਰੀਖਿਆ ਦੇਣ ਲਈ ਆਇਆ ਤਾਂ ਉਸ ਦਾ ਦੋਸਤ ਰੋਹਿਤ (18) ਉਸ ਨੂੰ ਮੋਟਰਸਾਈਕਲ ‘ਤੇ ਲੈਣ ਗਿਆ ਸੀ। ਇਸ ਦੌਰਾਨ ਉਨ੍ਹਾਂ ਦਾ ਨਹਿਰ ਵਿੱਚ ਨਹਾਉਣ ਦਾ ਵਿਚਾਰ ਬਣ ਗਿਆ। ਨਹਾਉਂਦੇ ਸਮੇਂ ਉਹ ਦੋਵੇਂ ਨਹਿਰ ਦੇ ਪਾਣੀ ਵਿੱਚ ਦੋਵੇਂ ਰੁੜ੍ਹ ਗਏ। ਮ੍ਰਿਤਕ ਰੋਹਿਤ ਦਾ ਪਿਤਾ ਰਾਜ ਮਿਸਤਰੀ ਦਾ ਕੰਮ ਕਰਦਾ ਹੈ। ਉਹ ਪਿੰਡ ਪਨਿਹਾਰ ਚੱਕ (ਜੀਂਦ) ਦਾ ਰਹਿਣ ਵਾਲਾ ਹੈ। ਦੀਪਕ ਦਾ ਪਿਤਾ ਫੌਜ ਵਿੱਚ ਮਨੀਪੁਰ ਡਿਊਟੀ ‘ਤੇ ਹੈ। ਮ੍ਰਿਤਕ ਦੀਪਕ ਇਕਲੌਤਾ ਪੁੱਤਰ ਸੀ।