‘ਸਾਈਕਲ ਸਵੇਰ ਕਾਫ਼ਲਾ’ ਢਾਹਾਂ ਪੁੱਜਿਆ

ਪੱਤਰ ਪ੍ਰੇਰਕ
ਬੰਗਾ, 2 ਜੁਲਾਈ
ਇੱਥੋਂ ਚੱਲ ਕੇ ‘ਸਾਈਕਲ ਸਵੇਰ ਕਾਫ਼ਲਾ’ ਅੱਜ ਪਿੰਡ ਢਾਹਾਂ ਪੁੱਜਾ। ਇਸ ਵਾਰ ਕਾਫ਼ਲੇ ਦੀ ਅਗਵਾਈ ਖੇਡ ਪ੍ਰਮੋਟਰ ਸੁਰਿੰਦਰ ਸਿੰਘ ਖਾਲਸਾ ਨੇ ਕੀਤੀ। ਉਹਨਾਂ ਕਿਹਾ ਕਿ ਇਸ ਕਾਫ਼ਲੇ ਦਾ ਮੰਤਵ ਲੋਕਾਂ ਨੂੰ ਸਿਹਤ ਪ੍ਰਤੀ ਜਾਗਰੂਕ ਕਰਨਾ, ਸਾਂਝੇ ਕੰਮਾਂ ’ਚ ਸਮਰੱਥਾ ਮੁਤਾਬਿਕ ਹਿੱਸਾ ਪਾਉਣ ਲਈ ਪ੍ਰੇਰਿਤ ਕਰਨਾ ਹੈ।
ਪਿੰਡ ਢਾਹਾਂ ਪੁੱਜ ਕੇ ਇਸ ਕਾਫ਼ਲੇ ਦੇ ਨੁਮਾਇੰਦਿਆਂ ਵਲੋਂ ਪਿੰਡ ਦੀ ਸਮਾਜ ਸੇਵੀ ਸ਼ਖ਼ਸੀਅਤ ਕੁਲਵਿੰਦਰ ਸਿੰਘ ਢਾਹਾਂ ਨੂੰ ‘ਪਿੰਡ ਦਾ ਮਾਣ’ ਪੁਰਸਕਾਰ ਪ੍ਰਦਾਨ ਕੀਤਾ ਗਿਆ। ਇਹ ਸਨਮਾਨ ਉਹਨਾਂ ਵਲੋਂ ਗੁਰੂ ਨਾਨਕ ਮਿਸ਼ਨ ਮੈਡੀਕਲ ਐਂਡ ਐਜੂਕੇਸ਼ਨ ਟਰੱਸਟ ਦੀਆਂ ਸੇਵਾਵਾਂ ਦਾ ਹਿੱਸਾ ਬਣਨ, ਸਮਾਜਿਕ ਸਰਗਰਮੀਆਂ ਪ੍ਰਤੀ ਰੁਚੀਵਾਨ ਹੋਣ ਅਤੇ ਪੰਚਾਇਤੀ ਕਾਰਜਾਂ ਨੂੰ ਉਤਸ਼ਾਹਿਤ ਕਰਨ ਹਿੱਤ ਪ੍ਰਦਾਨ ਕੀਤਾ ਗਿਆ। ਇਹ ਰਸਮ ਢਾਹਾਂ ਪ੍ਰਾਈਜ਼ ਦੇ ਸੰਸਥਾਪਕ ਬਰਜਿੰਦਰ ਸਿੰਘ ਢਾਹਾਂ ਕੈਨੇਡਾ ਵਲੋਂ ਨਿਭਾਈ ਗਈ। ਕਾਫ਼ਲੇ ਦੇ ਮੈਂਬਰਾਂ ਨੇ ਜਾਣਕਾਰੀ ਦਿੱਤੀ ਕਿ ਅਗਲੇ ਐਤਵਾਰ ਇਹ ਕਾਫ਼ਲਾ ਪਿੰੰਡ ਬੀਸਲਾ ਵਾਸੀ ਇੰਜ. ਗੋਪਾਲ ਮਹਿਮੀ ਦੀਆਂ ਵਾਤਾਵਰਣ ਪ੍ਰਤੀ ਸੇਵਾਵਾਂ ਦਾ ਮਾਣ ਕਰਨ ਉਹਨਾਂ ਦੇ ਕਰਮ ਸਥਾਨ ਪੁੱਜੇਗਾ। ਇਸ ਕਾਫ਼ਲੇ ਵਿੱਚ ਰਣਬੀਰ ਰਾਣਾ, ਭੁਪੇਸ਼ ਕੁਮਾਰ, ਦਵਿੰਦਰ ਬੇਗ਼ਮਪੁਰੀ, ਰਾਜਿੰਦਰ ਜੱਸਲ, ਸੁਰੇਸ਼ ਕੁਮਾਰ ਆਦਿ ਸ਼ਾਮਲ ਸਨ।