ਹਾਦਸੇ ’ਚ ਸੀਆਰਪੀਐੱਫ ਜਵਾਨ ਹਲਾਕ, ਚਾਰ ਹੋਰ ਜ਼ਖ਼ਮੀ

ਭੁਪਾਲ: ਸੈਂਟਰਲ ਰਿਜ਼ਰਵ ਪੁਲੀਸ ਫੋਰਸ (ਸੀਆਰਪੀਐੱਫ) ਦਾ ਇਕ ਜਵਾਨ ਉਸ ਸਮੇਂ ਹਲਾਕ ਹੋ ਗਿਆ ਜਦੋਂ ਮੱਧ ਪ੍ਰਦੇਸ਼ ਦੇ ਨਕਸਲ ਪ੍ਰਭਾਵਿਤ ਬਾਲਾਘਾਟ ਜ਼ਿਲ੍ਹੇ ’ਚ ਉਨ੍ਹਾਂ ਦਾ ਗਸ਼ਤੀ ਵਾਹਨ ਇਕ ਦਰੱਖ਼ਤ ਨਾਲ ਟਕਰਾ ਗਿਆ। ਹਾਦਸੇ ’ਚ ਚਾਰ ਹੋਰ ਜਵਾਨ ਜ਼ਖ਼ਮੀ ਹੋਏ ਹਨ। ਬਾਲਾਘਾਟ ਦੇ ਐੱਸਪੀ ਨਾਗੇਂਦਰ ਸਿੰਘ ਨੇ ਦੱਸਿਆ ਕਿ ਹਾਦਸੇ ’ਚ ਗੁਆਂਢੀ ਸੂਬੇ ਛੱਤੀਸਗੜ੍ਹ ਦੇ ਧਾਮਤਰੀ ਨਿਵਾਸੀ ਤਾਰਕੇਸ਼ਵਰ (22) ਦੀ ਮੌਤ ਹੋ ਗਈ। ਜ਼ਖ਼ਮੀ ਹੋਏ ਜਵਾਨਾਂ ਦਾ ਮਹਾਰਾਸ਼ਟਰ ਦੇ ਗੌਂਡੀਆ ਜ਼ਿਲ੍ਹੇ ਦੇ ਹਸਪਤਾਲ ’ਚ ਇਲਾਜ ਚੱਲ ਰਿਹਾ ਹੈ। ਹਾਦਸੇ ਮਗਰੋਂ ਪ੍ਰਾਈਵੇਟ ਵਾਹਨ ਦਾ ਡਰਾਈਵਰ ਮੌਕੇ ਤੋਂ ਫਰਾਰ ਹੋ ਗਿਆ। ਪੀੜਤ ਸੀਆਰਪੀਐੱਫ ਦੀ 7ਵੀਂ ਡੀ ਕੰਪਨੀ 4 ਦੇ ਜਵਾਨ ਸਨ। -ਪੀਟੀਆਈ