ਸੀਪੀਆਈ ਆਗੂ ਗੁਰਦਿੱਤ ਸਹੋਤਾ ਦਾ ਦੇਹਾਂਤ

ਨਿੱਜੀ ਪੱਤਰ ਪ੍ਰੇਰਕ/ਪੱਤਰ ਪ੍ਰੇਰਕ
ਸਿਰਸਾ/ਏਲਨਾਬਾਦ, 19 ਅਕਤੂਬਰ
ਭਾਰਤੀ ਕਮਿਊਨਿਸਟ ਪਾਰਟੀ ਦੇ ਆਗੂ ਗੁਰਦਿੱਤ ਰਾਮ ਸਹੋਤਾ (82) ਦਾ ਲੰਘੀ ਦੇਰ ਰਾਤ ਦੇਹਾਂਤ ਹੋ ਗਿਆ। ਉਨ੍ਹਾਂ ਦੇ ਜੱਦੀ ਪਿੰਡ ਕਰੀਵਾਲਾ ਵਿੱਚ ਸਸਕਾਰ ਮੌਕੇ ਪਾਰਟੀ ਆਗੂਆਂ ਨੇ ਉਨ੍ਹਾਂ ਦੀ ਦੇਹ ’ਤੇ ਪਾਰਟੀ ਦਾ ਝੰਡਾ ਪਾਇਆ। ਜ਼ਿਲ੍ਹਾ ਆਗੂ ਕਾਮਰੇਡ ਸੁਵਰਨ ਸਿੰਘ ਵਿਰਕ ਨੇ ਦੱਸਿਆ ਕਿ ਸ੍ਰੀ ਸਹੋਤਾ 1972 ’ਚ ਸੀਪੀਆਈ ਦੇ ਮੈਂਬਰ ਬਣੇ ਸਨ ਤੇ ਤਾਉਮਰ ਪਾਰਟੀ ਨਾਲ ਜੁੜੇ ਰਹੇ। ਕਾਮਰੇਡ ਸਹੋਤਾ ਨਮਿਤ ਸ਼ਰਧਾਂਜਲੀ ਸਮਾਗਮ 22 ਅਕਤੂਬਰ ਨੂੰ ਪਿੰਡ ਕਰੀਵਾਲਾ ’ਚ ਹੋਵੇਗਾ।