ਮੋਟਰਸਾਈਕਲ ਦੀ ਟਰਾਲੀ ਨਾਲ ਟੱਕਰ; ਚਾਰ ਹਲਾਕ

ਅਲੀਗੜ੍ਹ, 13 ਅਕਤੂਬਰ
ਉੱਤਰ ਪ੍ਰਦੇਸ਼ ’ਚ ਅਲੀਗੜ੍ਹ ਦੇ ਬਾਹਰੀ ਇਲਾਕੇ ’ਚ ਅੱਜ ਇੱਕ ਮੋਟਰਸਾਈਕਲ ਦੀ ਸੜਕ ਕਿਨਾਰੇ ਖੜ੍ਹੇ ਟਰੈਕਟਰ ਟਰਾਲੀ ਨਾਲ ਟੱਕਰ ਹੋਣ ਕਾਰਨ ਚਾਰ ਲੜਕਿਆਂ ਦੀ ਮੌਤ ਹੋ ਗਈ। ਪੁਲੀਸ ਨੇ ਇਹ ਜਾਣਕਾਰੀ ਦਿੱਤੀ। ਸਰਕਲ ਅਧਿਕਾਰੀ ਮਯੰਕ ਪਾਠਕ ਨੇ ਦੱਸਿਆ ਕਿ ਇਹ ਹਾਦਸਾ ਉਦੋਂ ਵਾਪਰਿਆ ਜਦੋਂ ਵਿਕਾਸ, ਯਸ਼, ਸੁਨੀਲ ਅਤੇ ਰਵੀ ਦਸਹਿਰਾ ਸਮਾਗਮ ਦੇਖ ਕੇ ਪਰਤ ਰਹੇ ਸਨ। ਚਾਰੇ ਜਣੇ ਇੱਕੋ ਮੋਟਰਸਾਈਕਲ ’ਤੇ ਹੀ ਸਵਾਰ ਸਨ। ਪਾਠਕ ਮੁਤਾਬਕ ਉਹ ਬੁਲੰਦਸ਼ਹਿਰ ਜ਼ਿਲ੍ਹੇ ਦੇ ਦਿਬਾਈ ਕਸਬੇ ’ਚ ਆਪਣੇ ਘਰਾਂ ਤੋਂ ਸ਼ਨਿਚਰਵਾਰ ਰਾਤ ਨੂੰ ਗਏ ਸਨ ਅਤੇ ਸਵੇਰ ਹੋਣ ਤੋਂ ਪਹਿਲਾਂ ਘਰ ਪਰਤ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਪੁਲੀਸ਼ ਦੀ ਗਸ਼ਤ ਟੁਕੜੀ ਮੌਕੇ ’ਤੇ ਪਹੁੰਚੀ ਅਤੇ ਪੀੜਤਾਂ ਨੂੰ ਜਵਾਹਰਲਾਲ ਨਹਿਰੂ ਮੈਡੀਕਲ ਕਾਲਜ ਹਸਪਤਾਲ ਪਹੁੰਚਾਇਆ ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ। -ਪੀਟੀਆਈ