ਚੀਨ ਓਪਨ: ਅਲਕਰਾਜ਼ ਫਾਈਨਲ ’ਚ ਪੁੱਜਿਆ

ਪੇਈਚਿੰਗ:

ਸਪੇਨ ਦਾ ਟੈਨਿਸ ਖਿਡਾਰੀ ਕਾਰਲੋਸ ਅਲਕਰਾਜ਼ ਅੱਜ ਇੱਥੇ ਚੀਨ ਓਪਨ ਟੈਨਿਸ ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲਜ਼ ਫਾਈਨਲ ’ਚ ਪਹੁੰਚ ਗਿਆ। ਉਸ ਨੇ ਸੈਮੀਫਾਈਨਲ ’ਚ ਰੂਸ ਦੇ ਦਾਨਿਲ ਮੈਦਵੇਦੇਵ ਨੂੰ 7-5, 6-3 ਨਾਲ ਹਰਾਇਆ। ਚਾਰ ਗਰੈਂਡ ਵਾਰ ਦੇ ਗਰੈਂਡ ਸਲੈਮ ਜੇਤੂ ਅਲਕਰਾਜ਼ ਦਾ ਇਸ ਜਿੱਤ ਨਾਲ ਰੂਸੀ ਖਿਡਾਰੀ ਖ਼ਿਲਾਫ਼ ਰਿਕਾਰਡ 6-2 ਹੋ ਗਿਆ ਹੈ। ਮੈਚ ਮਗਰੋਂ ਸਪੇਨੀ ਖਿਡਾਰੀ ਅਲਕਰਾਜ਼ ਨੇ ਕਿਹਾ, ‘‘ਮੈਨੂੰ ਇੱਕ ਵਾਰ ਫਿਰ ਮੈਦਾਨ ’ਤੇ ਬਹੁਤ ਵਧੀਆ ਮਹਿਸੂਸ ਹੋਇਆ। ਇਸ ਕਰਕੇ ਮੈਂ ਬਹੁਤ ਖੁਸ਼ ਹਾਂ। ਮੈਨੂੰ ਲੱਗਦਾ ਹੈ ਕਿ ਮੈਂ ਇਸ ਤੋਂ ਬਿਹਤਰ ਸੈਮੀਫਾਈਨਲ ਦੀ ਉਮੀਦ ਨਹੀਂ ਕਰ ਸਕਦਾ।’’ ਫਾਈਨਲ ਵਿੱਚ ਅਲਕਰਾਜ਼ ਦਾ ਮੁਕਾਬਲਾ ਜਾਨਿਕ ਸਿੰਨਰ ਜਾਂ ਚੀਨ ਦੇ ਬੂ ਯੁਨਚਾਓਕੇਟੇ ਨਾਲ ਹੋਵੇਗਾ। -ਏਪੀ