ਬਾਰਾਮਤੀ ’ਚ ਸ਼ਰਦ ਪਵਾਰ ਦੇ ਬੈਗ ਦੀ ਚੈਕਿੰਗ

ਪੁਣੇ, 17 ਨਵੰਬਰ
ਐੱਨਸੀਪੀ (ਐੱਸਪੀ) ਮੁਖੀ ਸ਼ਰਦ ਪਵਾਰ ਦੇ ਬੈਗ ਦੀ ਅੱਜ ਸਵੇਰੇ ਪੁਣੇ ਜ਼ਿਲ੍ਹੇ ਦੇ ਬਾਰਾਮਤੀ ਹੈਲੀਪੈਡ ’ਤੇ ਚੋਣ ਅਮਲੇ ਨੇ ਚੈਕਿੰਗ ਕੀਤੀ। ਪਵਾਰ ਸੋਲਾਪੁਰ ’ਚ ਰੈਲੀ ਨੂੰ ਸੰਬੋਧਨ ਕਰਨ ਲਈ ਹੈਲੀਕਾਪਟਰ ’ਤੇ ਸਵਾਰ ਹੋਣ ਵਾਲੇ ਸਨ। ਉਨ੍ਹਾਂ ਦੇ ਇਕ ਸਹਾਇਕ ਨੇ ਕਿਹਾ, ‘‘ਪਵਾਰ ਸਾਹਿਬ ਜਦੋਂ ਸੋਲਾਪੁਰ ’ਚ ਕਰਮਲਾ ਚੋਣ ਰੈਲੀ ਲਈ ਜਾਣ ਵਾਲੇ ਸਨ ਤਾਂ ਬਾਰਾਮਤੀ ਹੈਲੀਪੈਡ ’ਤੇ ਉਨ੍ਹਾਂ ਦੇ ਬੈਗ ਦੀ ਚੈਕਿੰਗ ਕੀਤੀ ਗਈ। ਬਾਅਦ ਵ ਿੱਚ ਉਨ੍ਹਾਂ ਹੈਲੀਕਾਪਟਰ ਫੜਿਆ ਅਤੇ ਉਹ ਰੈਲੀ ਵਾਲੀ ਥਾਂ ’ਤੇ ਪੁੱਜੇ।’’ ਸ਼ਨਿਚਰਵਾਰ ਨੂੰ ਚੋਣ ਅਧਿਕਾਰੀਆਂ ਨੇ ਕਾਂਗਰਸ ਆਗੂ ਰਾਹੁਲ ਗਾਂਧੀ ਦੇ ਬੈਗ ਦੀ ਤਲਾਸ਼ੀ ਲਈ ਸੀ। -ਪੀਟੀਆਈ