ਆਨਲਾਈਨ ਢੰਗ ਨਾਲ ਕਰੋੜਾਂ ਰੁਪਏ ਦੀ ਠੱਗੀ; ਕੇਸ ਦਰਜ
10:56 AM May 24, 2024 IST
ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 23 ਮਈ
ਥਾਣਾ ਸਰਾਭਾ ਨਗਰ ਦੀ ਪੁਲੀਸ ਨੂੰ ਫੇਜ਼-1 ਮਾਡਲ ਟਾਉਨ, ਬਠਿੰਡਾ ਵਾਸੀ ਡਾ. ਰੇਨੂਕਾ ਗੋਇਲ ਨੇ ਦੱਸਿਆ ਹੈ ਕਿ ਆਨਲਾਈਨ ਚੈਟਿੰਗ ਐਪ ਟੈਲੀਗ੍ਰਾਮ ਤੇ ਸਾਨਵੀ ਅਤੇ ਅਨੰਨਿਆ ਨਾਮਕ ਲੜਕੀਆਂ ਨਾਲ ਗਰੁੱਪ ਬਣਾ ਕੇ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਉਸ ਨੂੰ ਮੋਟੇ ਮੁਨਾਫ਼ੇ ਦਾ ਝਾਂਸਾ ਦੇ ਕੇ ਉਸ ਪਾਸੋਂ ਵੱਖ-ਵੱਖ ਖਾਤਿਆਂ ਵਿੱਚ 1 ਕਰੋੜ 40 ਲੱਖ ਦੀ ਰਕਮ ਹਾਸਲ ਕਰਕੇ ਨਾ ਤਾਂ ਉਸ ਨੂੰ ਕੋਈ ਮੁਨਾਫ਼ਾ ਦਿੱਤਾ ਅਤੇ ਨਾ ਹੀ ਉਸ ਦੀ ਉਕਤ ਰਕਮ ਵਾਪਸ ਕੀਤੀ ਹੈ। ਇੰਸਪੈਕਟਰ ਜਤਿੰਦਰ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਵੱਲੋਂ ਆਨਲਾਈਨ ਧੋਖਾਧੜੀ ਦੇ ਦੋਸ਼ ਤਹਿਤ ਦੋਹਾਂ ਖਿਲਾਫ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਪੁਲੀਸ ਨੇ ਲੋਕਾਂ ਨੂੰ ਸੁਚੇਤ ਕੀਤਾ ਕਿ ਉਹ ਫਰਜ਼ੀ ਸਾਈਟਾਂ ਤੋਂ ਦੂਰੀ ਬਣਾ ਕੇ ਰੱਖਣ।
Advertisement
Advertisement
Related News
Advertisement