ਸੀਬੀਆਈ ਨੇ ਬੱਚਿਆਂ ਦੀ ਤਸਕਰੀ ਮਾਮਲੇ ’ਚ 7 ਗ੍ਰਿਫ਼ਤਾਰ ਕੀਤੇ, ਦੋ ਨਵਜੰਮੇ ਬਚਾਏ

ਨਵੀਂ ਦਿੱਲੀ, 6 ਅਪਰੈਲ
ਸੀਬੀਆਈ ਨੇ ਰਾਸ਼ਟਰੀ ਰਾਜਧਾਨੀ 'ਚ ਬੱਚਿਆਂ ਦੀ ਤਸਕਰੀ ਕਰਨ ਵਾਲੇ ਗਰੋਹ ਦਾ ਪਰਦਾਫਾਸ਼ ਕੀਤਾ ਹੈ। ਏਜੰਸੀ ਨੇ 7 ਜਣਿਆਂ ਨੂੰ ਕਾਬੂ ਕਰਕੇ ਦੋ ਨਵਜੰਮੇ ਬੱਚਿਆਂ ਨੂੰ ਬਚਾਇਆ ਹੈ। ਗਰੋਹ ਬਾਰੇ ਸੂਚਨਾ ਮਿਲਣ 'ਤੇ ਏਜੰਸੀ ਦੇ ਅਧਿਕਾਰੀਆਂ ਨੇ ਦਿੱਲੀ ਅਤੇ ਹਰਿਆਣਾ 'ਚ ਕਈ ਥਾਵਾਂ 'ਤੇ ਤਲਾਸ਼ੀ ਲਈ। ਛਾਪੇ ਦੌਰਾਨ ਕੇਸ਼ਵਪੁਰਮ ਦੇ ਟਿਕਾਣੇ ’ਤੇ ਦੋਵੇਂ ਬੱਚੇ ਮਿਲੇ ਸਨ। ਏਜੰਸੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਨਵਜੰਮੇ ਬੱਚਿਆਂ ਨੂੰ ਵੇਚਣ ਵਾਲੀ ਔਰਤ ਅਤੇ ਉਨ੍ਹਾਂ ਨੂੰ ਖਰੀਦਣ ਵਾਲੇ ਵਿਅਕਤੀ ਨੂੰ ਹਿਰਾਸਤ 'ਚ ਲਿਆ ਗਿਆ ਹੈ ਅਤੇ ਪੁੱਛ ਪੜਤਾਲ ਕੀਤੀ ਜਾ ਰਹੀ ਹੈ।