ਬਜਰੰਗ ਦਲ ਦੇ ਦੋ ਨੇਤਾਵਾਂ ਖ਼ਿਲਾਫ਼ ਕੇਸ ਦਰਜ

ਪੀਲੀਭੀਤ:

ਉੱਤਰ ਪ੍ਰਦੇਸ਼ ਦੇ ਪੀਲੀਭੀਤ ਵਿੱਚ ਪੈਗੰਬਰ ਮੁਹੰਮਦ ਖ਼ਿਲਾਫ਼ ਅਪਮਾਨਜਨਕ ਟਿੱਪਣੀ ਕਰਨ ਦੇ ਦੋਸ਼ ਹੇਠ ਬਜਰੰਗ ਦਲ ਦੇ ਦੋ ਨੇਤਾਵਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਪੁਲੀਸ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਸੰਜੇ ਮਿਸ਼ਰਾ ਅਤੇ ਵਿਵੇਕ ਮਿਸ਼ਰਾ ਵਜੋਂ ਹੋਈ ਹੈ। ਅਫ਼ਜ਼ਲ ਖ਼ਾਨ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਅਨੁਸਾਰ ਇਹ ਘਟਨਾ ਮਧੋਟਾਂਡਾ ਸ਼ਹਿਰ ’ਚ 13 ਅਕਤੂਬਰ ਨੂੰ ਵਾਪਰੀ। ਪੂਰਨਪੁਰ ਦੇ ਖੇਤਰੀ ਅਧਿਕਾਰੀ ਵਿਸ਼ਾਲ ਚੌਧਰੀ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ। ਸ਼ਿਕਾਇਤਕਰਤਾ ਅਨੁਸਾਰ ਬਜਰੰਗ ਦਲ ਦੇ ਪ੍ਰੋਗਰਾਮ ’ਚ ਕਰੀਬ ਅੱਧੇ ਘੰਟੇ ਤੱਕ ਭੜਕਾਊ ਭਾਸ਼ਣ ਦੇ ਕੇ ਅਤੇ ਪੈਗੰਬਰ ਖ਼ਿਲਾਫ਼ ਅਪਮਾਨਜਨਕ ਟਿੱਪਣੀ ਕਰਕੇ ਮਾਹੌਲ ਵਿਗਾੜਨ ਦੀ ਕੋਸ਼ਿਸ਼ ਕੀਤੀ ਗਈ। -ਪੀਟੀਆਈ