ਦੋ ਕਿਸਾਨਾਂ ਦੇ ਖੇਤਾਂ ਵਿੱਚੋਂ ਕੇਬਲਾਂ ਚੋਰੀ
07:33 AM Sep 19, 2024 IST
ਪੱਤਰ ਪ੍ਰੇਰਕ
ਸ਼ਹਿਣਾ, 18 ਸਤੰਬਰ
ਕਸਬੇ ਸ਼ਹਿਣਾ ’ਚ ਰਾਧਾ ਸਵਾਮੀ ਸਤਿਸੰਗ ਭਵਨ ਕੋਲ ਦੋ ਕਿਸਾਨਾਂ ਦੇ ਖੇਤਾਂ ’ਚ ਲੱਗੀਆਂ ਮੋਟਰਾਂ ਤੋਂ ਕੇਬਲ ਤਾਰਾਂ ਚੋਰੀ ਹੋ ਗਈਆਂ ਹਨ। ਕਿਸਾਨ ਚਰਨਜੀਤ ਸਿੰਘ ਦੀ 25 ਫੁੱਟ ਕੇਬਲ ਤਾਰ ਅਤੇ ਤਿੰਨ ਗਰਿੱਪ, ਮੇਜਰ ਸਿੰਘ ਹੇਅਰ ਦੀ 25 ਫੁੱਟ ਕੇਬਲ ਤਾਰ ਅਤੇ 3 ਗਰਿੱਪ ਚੋਰੀ ਹੋ ਗਏ। ਕਿਸਾਨਾਂ ਨੂੰ ਹੋਈ ਚੋਰੀ ਬਾਰੇ ਸਵੇਰੇ ਖੇਤਾਂ ’ਚ ਜਾਣ ’ਤੇ ਹੀ ਪਤਾ ਲੱਗਿਆ। ਚੋਰ ਕੁਝ ਦਿਨ ਪਹਿਲਾਂ ਪੱਖੋਕੇ ਵਾਲੇ ਰਸਤੇ ਤੋਂ 20 ਕਿਸਾਨਾਂ ਦੀਆਂ ਕੇਬਲਾਂ ਚੋਰੀ ਕਰਕੇ ਲੈ ਗਏ ਸਨ। ਕਿਸਾਨਾਂ ਨੇ ਚੋਰਾਂ ਨੂੰ ਕਾਬੂ ਕਰ ਕੇ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ।
Advertisement
Advertisement