ਲੋਹਟੀਆ ਕਾਲਜ ਵਿੱਚ ‘ਬ੍ਰੇਨ ਗੂਗਲਰ-2024’ ਮੁਕਾਬਲਾ

ਖੇਤਰੀ ਪ੍ਰਤੀਨਿਧ
ਲੁਧਿਆਣਾ, 30 ਅਕਤੂਬਰ
ਕਮਲਾ ਲੋਹਟੀਆ ਸਨਾਤਨ ਧਰਮ ਕਾਲਜ ਦੇ ਕੰਪਿਊਟਰ ਸਾਇੰਸ ਦੇ ਪੀਜੀ ਵਿਭਾਗ ਵੱਲੋਂ ‘ਬ੍ਰੇਨ ਗੂਗਲਰ-2024’ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਦੇ ਪਹਿਲੇ ਭਾਗ ਵਿੱਚ ਟੈਕਨੋ ਪਜ਼ਲ ਅਤੇ ਦੂਜੇ ਵਿੱਚ ਡਿਜ਼ੀਟਲ ਪੋਸਟਰ ਮੁਕਾਬਲਾ ਕਰਵਾਇਆ ਗਿਆ। ਡਿਜ਼ੀਟਲ ਪੋਸਟਰ ਮੁਕਾਬਲੇ ਵਿੱਚੋਂ ਬੀਸੀਏ ਪਹਿਲਾ ਸਾਲ ਦੀ ਸੋਮਪ੍ਰੀਤੀ ਨੇ ਪਹਿਲਾ, ਹੁਨਰ ਅਤੇ ਸ਼ਿਵਮ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਟੈਕਨੋ ਪਜ਼ਲ ਮੁਕਾਬਲੇ ਵਿੱਚ ਬੀਸੀਏ ਪਹਿਲਾ ਸਾਲ ਦੇ ਪ੍ਰਿਯਾਂਸ਼ੂ ਨੇ ਪਹਿਲਾ, ਬੀਸੀਏ ਦੂਜਾ ਸਾਲ ਦੇ ਮੁਹੰਮਦ ਫੈਜ਼ਾਨ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਪ੍ਰਿੰਸੀਪਲ ਡਾ. ਮੁਹਿੰਮ ਸਲੀਮ ਨੇ ਸਬੰਧਤ ਵਿਭਾਗ ਦੇ ਇੰਚਾਰਜ ਡਾ. ਬਿਮਲੇਸ਼ ਕੁਮਾਰ ਗੁਪਤਾ ਅਤੇ ਅਸਿਸਟੈਂਟ ਪ੍ਰੋਫੈਸਰ ਗੌਰਵ ਜੋਸ਼ੀ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸੁਨੀਲ ਅਗਰਵਾਲ ਅਤੇ ਪ੍ਰਬੰਧਕ ਕਮੇਟੀ ਦੇ ਨੁਮਾਇੰਦੇ ਹਾਜ਼ਰ ਸਨ।