ਮੁੱਕੇਬਾਜ਼ੀ: ਸ਼ਿਵ ਤੇ ਸਚਿਨ ਵੱਲੋਂ ਜਿੱਤਾਂ ਦਰਜ

ਬਰੇਲੀ:

ਮੌਜੂਦਾ ਚੈਂਪੀਅਨ ਸ਼ਿਵ ਥਾਪਾ ਨੇ ਅੱਠਵੀਂ ਇਲੀਟ ਪੁਰਸ਼ ਕੌਮੀ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਅੱਜ ਵੈਲਟਰਵੇਟ (60 ਤੋਂ 65 ਕਿਲੋਗ੍ਰਾਮ) ਵਰਗ ਵਿੱਚ ਇਨਾਇਤ ਖਾਨ ’ਤੇ ਜਿੱਤ ਦਰਜ ਕੀਤੀ। ਅਸਾਮ ਲਈ ਖੇਡ ਰਹੇ ਥਾਪਾ 2012 ਵਿੱਚ ਲੰਡਨ ਓਲੰਪਿਕ ਦੀ ਟਿਕਟ ਕਟਾਉਣ ਵਾਲੇ ਸਭ ਤੋਂ ਘੱਟ ਉਮਰ ਦੇ ਭਾਰਤੀ ਮੁੱਕੇਬਾਜ਼ ਬਣੇ ਸਨ। ਉਸਨੇ ਪਹਿਲੇ ਗੇੜ ਵਿੱਚ ਇਨਾਇਤ ਨੂੰ 5-0 ਨਾਲ ਚਿੱਤ ਕੀਤਾ। ਸਰਵਿਸਿਜ਼ ਸਪੋਰਟਸ ਕੰਟਰੋਲ ਬੋਰਡ ਲਈ ਖੇਡ ਰਹੇ ਸਾਬਕਾ ਵਿਸ਼ਵ ਯੁਵਾ ਚੈਂਪੀਅਨ ਸਚਿਨ ਸਿਵਾਚ ਨੇ ਅਕਸ਼ੈ ਨੂੰ 5-0 ਨਾਲ ਹਰਾਇਆ। -ਪੀਟੀਆਈ