ਭਾਜਪਾ ਦੀ ਸੰਸਦੀ ਪਾਰਟੀ ਮੀਟਿੰਗ ਮੰਗਲਵਾਰ ਨੂੰ

ਨਵੀਂ ਦਿੱਲੀ, 6 ਫਰਵਰੀ

ਸਦਨ ਦੇ ਕੰਮ-ਕਾਜ ਦੌਰਾਨ ਭਾਜਪਾ ਦੀ ਹਰ ਹਫ਼ਤੇ ਹੋਣ ਵਾਲੀ ਸੰਸਦੀ ਪਾਰਟੀ ਮੀਟਿੰਗ ਭਲਕੇ ਮੰਗਲਵਾਰ ਨੂੰ ਕੀਤੀ ਜਾਵੇਗੀ। ਇਸ ਮੀਟਿੰਗ ‘ਚ ਹਾਲ ਹੀ ਵਿੱਚ ਪਾਸ ਹੋਏ ਕੇਂਦਰੀ ਬਜਟ 2023-24 ਸਮੇਤ ਅਹਿਮ ਮੁੱਦਿਆਂ ‘ਤੇ ਚਰਚਾ ਹੋਣ ਦੀ ਸੰਭਾਵਨਾ ਹੈ। ਭਾਜਪਾ ਦੇ ਸੀਨੀਅਰ ਆਗੂਆਂ ਦੇ ਨਾਲ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵੀ ਇਸ ਮੀਟਿੰਗ ਵਿੱਚ ਮੌਜੂਦ ਰਹਿਣ ਦੀ ਉਮੀਦ ਹੈ। ਪ੍ਰਧਾਨ ਮੰਤਰੀ ਸੰਸਦੀ ਪਾਰਟੀ ਮੀਟਿੰਗ ਨੂੰ ਸੰਬੋਧਨ ਕਰ ਸਕਦੇ ਹਨ। ਜ਼ਿਕਰਯੋਗ ਹੈ ਕਿ ਬਜਟ ਸੈਸ਼ਨ ਦਾ ਪਹਿਲਾ ਪੜਾਅ 13 ਫਰਵਰੀ ਤੱਕ ਚੱਲੇਗਾ ਅਤੇ ਦੂਜਾ ਪੜਾਅ 13 ਮਾਰਚ ਤੋਂ 6 ਅਪਰੈਲ ਤੱਕ ਹੈ। -ਏਐੱਨਆਈ