ਆਧੁਨਿਕ ਯੁੱਧ ਦੀਆਂ ਚੁਣੌਤੀਆਂ ਦੇ ਟਾਕਰੇ ਲਈ ਤਿਆਰ ਰਹੋ: ਸੁਚਿੰਦਰ ਕੁਮਾਰ

ਦੇਹਰਾਦੂਨ, 8 ਜੂਨ
ਉੱਤਰੀ ਕਮਾਨ ਦੇ ‘ਜਨਰਲ ਅਫਸਰ ਕਮਾਂਡਿੰਗ-ਇਨ-ਚੀਫ’ ਲੈਫਟੀਨੈਂਟ ਜਨਰਲ ਐੱਮਵੀ ਸੁਚਿੰਦਰ ਕੁਮਾਰ ਨੇ ਅੱਜ ਕਿਹਾ ਕਿ ਆਧੁਨਿਕ ਯੁੱਧ ਦਾ ਖਾਸਾ ਲਗਾਤਾਰ ਬਦਲ ਰਿਹਾ ਹੈ ਅਤੇ ਇੰਡੀਅਨ ਮਿਲਟਰੀ ਅਕੈਡਮੀ (ਆਈਐੱਮਏ) ਤੋਂ ਪਾਸਆਊਟ ਕੈਡਿਟਾਂ ਨੂੰ ਇਨ੍ਹਾਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਲਈ ਤਿਆਰ ਰਹਿਣ ਦਾ ਸੱਦਾ ਦਿੱਤਾ। ਇਤਿਹਾਸਕ ਡਰਿੱਲ ਸਕੁਏਅਰ ’ਤੇ ਆਈਐੱਮਏ ਦੀ ‘ਪਾਸਿੰਗ ਆਊਟ ਪਰੇਡ’ ਨੂੰ ਸੰਬੋਧਨ ਕਰਦਿਆਂ ਲੈਫਟੀਨੈਂਟ ਜਨਰਲ ਸਚਿੰਦਰ ਕੁਮਾਰ ਨੇ ਕਿਹਾ ਕਿ ਉੱਨਤ ਤਕਨੀਕ ਆਧੁਨਿਕ ਯੁੱਧਾਂ ਦੇ ਖਾਸੇ ਨੂੰ ਲਗਾਤਾਰ ਅਸਰਅੰਦਾਜ਼ ਕਰ ਰਹੀ ਹੈ। -ਪੀਟੀਆਈ