ਬੀਏਟੀ ਚੈਂਪੀਅਨਸ਼ਿਪ: ਭਾਰਤੀ ਟੀਮ ਚੀਨ ਤੋਂ 2-3 ਨਾਲ ਹਾਰੀ

ਸ਼ਾਹ ਆਲਮ (ਮਲੇਸ਼ੀਆ): ਭਾਰਤ ਪੁਰਸ਼ ਟੀਮ ਨੂੰ ਸਾਤਵਿਕਸਾਈ ਰੰਕੀਰੈੱਡੀ ਅਤੇ ਚਿਰਾਗ ਸ਼ੈੱਟੀ ਦੀ ਸਟਾਰ ਜੋੜੀ ਦੀ ਗ਼ੈਰਹਾਜ਼ਰੀ ’ਚ ਇੱਥੇ ਬੈਡਮਿੰਟਨ ਏਸ਼ੀਆ ਟੀਮ ਚੈਂਪੀਅਨਸ਼ਿਪ (ਬੀਏਟੀਸੀ) ਵਿੱਚ ਚੀਨ ਤੋਂ 2-3 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਭਾਰਤ ਵੱਲੋਂ ਐੱਚ.ਐੱਚ. ਪ੍ਰਣੌਏ ਅਤੇ ਲਕਸ਼ੈ ਸੇਨ ਨੇ ਆਪੋ-ਆਪਣੇ ਸਿੰਗਲਜ਼ ਮੈਚ ਜਿੱਤ ਲਏ ਪਰ ਚੀਨ ਨੇ ਦੋਵੇਂ ਡਬਲਜ਼ ਮੈਚ ਜਿੱਤਦਿਆਂ 2-2 ਦੀ ਬਰਾਬਰੀ ਕਰ ਲਈ। ਕੌਮੀ ਚੈਂਪੀਅਨ ਚਿਰਾਗ ਸੇਨ ਪੰਜਵੇਂ ਮੈਚ ਵਿੱਚ ਵਾਂਗ ਝੇਂਗ ਤੋਂ 15-21 16-21 ਨਾਲ ਹਾਰ ਗਿਆ। ਪਹਿਲਾਂ ਹੀ ਨਾਕਆਊਟ ’ਚ ਪਹੁੰਚ ਚੁੱਕੀ ਭਾਰਤੀ ਟੀਮ ਗਰੁੱਪ ਵਿੱਚ ਦੂਜੇ ਸਥਾਨ ’ਤੇ ਰਹੀ ਜਦਕਿ ਚੀਨ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। -ਪੀਟੀਆਈ