ਬਾਲ ਕਲਿਆਣ ਪਰਿਸ਼ਦ ਨੇ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਕਰਵਾਏ

ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 17 ਅਕਤੂਬਰ
ਜ਼ਿਲ੍ਹਾ ਬਾਲ ਕਲਿਆਣ ਪਰਿਸ਼ਦ ਵੱਲੋਂ ਕਰਵਾਏ ਜ਼ਿਲ੍ਹਾ ਪੱਧਰੀ ਬਾਲ ਦਿਵਸ ਮੁਕਾਬਲੇ ਕਰਵਾਏ ਗਏ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਸਰਕਾਰੀ ਅਤੇ ਪ੍ਰਾਈਵੇਟ ਸਕੂਲਾਂ ਦੇ ਵੱਡੀ ਗਿਣਤੀ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਜ਼ਿਲ੍ਹਾ ਬਾਲ ਅਫ਼ਸਰ ਗੌਰਵ ਰੋਹਿਲਾ ਨੇ ਦੱਸਿਆ ਕਿ ਅੱਜ ਸੋਲੋ ਡਾਂਸ, ਦੇਸ਼ ਭਗਤੀ ਡਾਂਸ, ਪੋਸਟਰ ਮੇਕਿੰਗ, ਕਲੇਅ ਮਾਡਲਿੰਗ, ਗਰੁੱਪ ਡਾਂਸ, ਕਾਰਡ ਮੇਕਿੰਗ, ਦੀਆ ਮੋਮਬੱਤੀ ਸਜਾਵਟ, ਥਾਲੀ ਪੂਜਾ, ਕਲਸ਼ ਸਜਾਵਟ, ਰੰਗੋਲੀ, ਭਾਸ਼ਣ ਮੁਕਾਬਲੇ, ਫਨ ਗੇਮਜ਼ ਤੇ ਲੇਖ ਮੁਕਾਬਲੇ ਕਰਵਾਏ ਗਏ। ਉਨ੍ਹਾਂ ਦੱਸਿਆ ਕਿ ਦੇਰ ਸ਼ਾਮ ਤੱਕ ਚੱਲੇ ਇਨ੍ਹਾਂ ਮੁਕਾਬਲਿਆਂ ਵਿੱਚ ਕਲੇਅ ਮਾਡਲਿੰਗ ਦੇ ਪਹਿਲੇ ਗਰੁੱਪ ਵਿੱਚ ਸਰਕਾਰੀ ਪ੍ਰਾਇਮਰੀ ਸਕੂਲ ਪ੍ਰਤਾਪਗੜ੍ਹ ਦੀ ਲਵੀਸ਼ ਪਹਿਲੇ, ਬਾਬਾ ਸਿੱਧਨਾਥ ਇੰਟਰਨੈਸ਼ਨਲ ਪਬਲਿਕ ਸਕੂਲ ਦੀ ਸ਼ੌਰਿਆ ਦੂਜੇ ਸਥਾਨ ’ਤੇ ਰਹੀ। ਕਲੇਅ ਮਾਡਲਿੰਗ ਦੇ ਦੂਜੇ ਗਰੁੱਪ ਵਿੱਚ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਕੁਰੂਕਸ਼ੇਤਰ ਦੇ ਵਰੁਣ ਨੇ ਪਹਿਲਾ, ਅਗਰਸੇਨ ਪਬਲਿਕ ਸਕੂਲ ਕੁਰੂਕਸ਼ੇਤਰ ਦੀ ਗੁਰਮੇਹਰ ਕੌਰ ਨੇ ਦੂਜਾ, ਗੀਤਾ ਨਿਕੇਤਨ ਵਿਦਿਆ ਮੰਦਰ ਦੀ ਚਾਰੂ ਨੇ ਤੀਜਾ ਅਤੇ ਟੈਗੋਰ ਗਲੋਬਲ ਸਕੂਲ ਜਿੰਦਰ ਸ਼ਹਿਰ ਦੇ ਅਭਯੁਦਿਆ ਬੱਤਰਾ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।
ਉਨ੍ਹਾਂ ਦੱਸਿਆ ਕਿ ਪੋਸਟਰ ਮੇਕਿੰਗ ਮੁਕਾਬਲੇ ਦੇ ਦੂਜੇ ਗਰੁੱਪ ਵਿੱਚ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਦੀ ਗਿੰਨੀ ਸ਼ਰਮਾ ਨੇ ਪਹਿਲਾ, ਸਰਕਾਰੀ ਕਲਿਆ ਵਿਦਿਆਲਿਆ ਪ੍ਰਤਾਪਗੜ੍ਹ ਦੀ ਰੀਆ ਨੇ ਦੂਜਾ, ਮਹਾਰਾਣਾ ਪ੍ਰਤਾਪ ਪਬਲਿਕ ਸਕੂਲ ਕੁਰੂਕਸ਼ੇਤਰ ਦੀ ਅਨੰਨਿਆ ਗੁਪਤਾ ਨੇ ਤੀਜਾ ਅਤੇ ਸੰਜੇ ਗਾਂਧੀ ਓਮ ਪ੍ਰਕਾਸ਼ ਨੇ ਤੀਜਾ ਇਨਾਮ ਪ੍ਰਾਪਤ ਕੀਤਾ। ਪਬਲਿਕ ਸਕੂਲ ਬਾਬੈਨ ਨੇ ਤੀਸਰਾ ਇਨਾਮ ਪ੍ਰਾਪਤ ਕੀਤਾ। ਪੋਸਟਰ ਬਣਾਉਣ ਦੇ ਤੀਜੇ ਗਰੁੱਪ ਵਿੱਚ ਡੀਏਵੀ ਸਕੂਲ ਪਿਹੋਵਾ ਦੇ ਮਨਨ ਨੇ ਪਹਿਲਾ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਅਮੀਨ ਦੇ ਵੰਸ਼ੂ ਨੇ ਦੂਜਾ, ਡਿਵਾਈਨ ਪਬਲਿਕ ਸਕੂਲ ਸ਼ਾਹਬਾਦ ਦੀ ਗੁਰਲੀਨ ਵਿਰਕ ਨੇ ਤੀਜਾ ਅਤੇ ਜੈ ਭਾਰਤੀ ਵਿਦਿਆ ਮੰਦਰ ਥਾਨੇਸਰ ਦੇ ਬੀਰੂ ਨੇ ਤਸੱਲੀ ਇਨਾਮ ਹਾਸਲ ਕੀਤਾ।
ਉਨ੍ਹਾਂ ਦੱਸਿਆ ਕਿ ਸਕੈਚਿੰਗ ਆਨ ਸਪਾਟ ਦੇ ਦੂਜੇ ਗਰੁੱਪ ਵਿੱਚ ਡੀਏਵੀ ਸੈਂਚੁਰੀ ਪਬਲਿਕ ਸਕੂਲ ਪਿਹੋਵਾ ਦਾ ਤੁਸ਼ਾਂਤ ਪਹਿਲੇ, ਸਰਕਾਰੀ ਮਿਡਲ ਸਕੂਲ ਕਲਾਲ ਮਾਜਰਾ ਦਾ ਮੋਨੂੰ ਦੂਜੇ, ਅਗਰਸੇਨ ਪਬਲਿਕ ਸਕੂਲ ਕੁਰੂਕਸ਼ੇਤਰ ਦਾ ਦਾਨਿਸ਼ ਤੀਜੇ ਅਤੇ ਧੰਨਾ ਭਗਤ ਪਬਲਿਕ ਸਕੂਲ ਦਾ ਅਦਿਤ ਸਿੰਘ ਤੀਜੇ ਸਥਾਨ ’ਤੇ ਰਿਹਾ।