ਕਾਲਜ ਵਿੱਚ ਪਾਣੀ ਦੀ ਸੰਭਾਲ ਬਾਰੇ ਚੇਤਨਾ ਸਮਾਗਮ

ਪੱਤਰ ਪ੍ਰੇਰਕ
ਬੰਗਾ, 27 ਜੂਨ
ਢਾਹਾਂ ਕਲੇਰਾਂ ਦੇ ਗੁਰੂ ਨਾਨਕ ਪੈਰਾਮੈਡੀਕਲ ਕਾਲਜ ਵਿੱਚ ਪਾਣੀ ਦੀ ਸੰਭਾਲ ਬਾਰੇ ਚੇਤਨਾ ਸਮਾਗਮ ਕਰਵਾਇਆ ਗਿਆ। ਸਮਾਗਮ ਦੌਰਾਨ ਕਰਵਾਏ ਪੋਸਟਰ ਮੇਕਿੰਗ ਮੁਕਾਬਲੇ ਵਿੱਚ ਲਵਲੀਨ ਕੌਰ, ਭਾਵਿਕਾ ਯਾਦਵ ਅਤੇ ਤਰੁਣਪ੍ਰੀਤ ਕੌਰ ਨੇ ਕ੍ਰਮਵਾਰ ਪਹਿਲੇ ਤਿੰਨ ਸਥਾਨ ਹਾਸਲ ਕੀਤੇ। ਸਕਿੱਟ ਮੁਕਾਬਲੇ ਵਿੱਚ ਪਲਕ ਠਾਕੁਰ ਦੀ ਟੀਮ ਅੱਵਲ ਰਹੀ ਜਦੋਂ ਕਿ ਕਵਿਤਾ ਉਚਾਰਨ ’ਚ ਤਰੁਣਪ੍ਰੀਤ ਜੇੇਤੂ ਰਹੀ। ਪੀਪੀਟੀ ਪੇਸ਼ਕਾਰੀ ਵਿੱਚ ਮਨਿੰਦਰ ਮਹਿਮੀ, ਮਨਪ੍ਰੀਤ ਤੇ ਨਵਜੋਤ ਨੇ ਕ੍ਰਮਵਾਰ ਪਹਿਲਾ, ਦੂਜਾ ਤੇ ਤੀਜਾ ਇਨਾਮ ਜਿੱਤਿਆ। ਜੇਤੂ ਵਿਦਿਆਰਥੀਆਂ ਨੂੰ ਸ਼ਲਾਘਾ ਪੱਤਰ ਅਤੇ ਯਾਦਗਾਰੀ ਤੋਹਫ਼ਿਆਂ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨ ਰਸਮਾਂ ਗੁਰੂ ਨਾਨਕ ਮਿਸ਼ਨ ਮੈਡੀਕਲ ਐਂਡ ਐਜੂਕੇਸ਼ਨਲ ਟਰੱਸਟ ਢਾਹਾਂ ਕਲੇਰਾਂ ਦੇ ਪ੍ਰਧਾਨ ਕੁਲਵਿੰਦਰ ਸਿੰਘ ਢਾਹਾਂ ਨੇ ਨਿਭਾਈਆਂ। ਕਾਲਜ ਪ੍ਰਿੰਸੀਪਲ ਰਾਜਦੀਪ ਥਿਦਵਾਰ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ।
ਜੱਜਮੈਂਟ ਦੀ ਭੂਮਿਕਾ ਨਿਭਾਉਣ ਵਾਲਿਆਂ ਵਿੱਚ ਇੰਜਨੀਅਰ ਜਸਵੀਰ ਮੋਰੋਂ ਅਤੇ ਸਮਾਜ ਸੇਵੀ ਦਵਿੰਦਰ ਬੇਗਮਪੁਰੀ ਸ਼ਾਮਲ ਸਨ। ਮੰਚ ਦਾ ਸੰਚਾਲਨ ਪਲਕ ਠਾਕੁਰ ਅਤੇ ਰਾਜਵੀਰ ਕੌਰ ਨੇ ਕੀਤਾ।