ਬਿਆਸ ਦਰਿਆ ’ਚੋਂ ਇੱਕ ਹੋਰ ਲੜਕੇ ਦੀ ਲਾਸ਼ ਬਰਾਮਦ; ਮ੍ਰਿਤਕਾਂ ਦੀ ਗਿਣਤੀ 3 ਹੋਈ

ਕਪੂਰਥਲਾ, 18 ਅਪਰੈਲ

ਪੁਲੀਸ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਬਿਆਸ ਦਰਿਆ ’ਚ ਲੜਕਿਆਂ ਦੇ ਇਕ ਸਮੂਹ ਨਾਲ ਨਹਾਉਂਦੇ ਸਮੇਂ ਡੁੱਬਣ ਵਾਲੇ ਇਕ ਲੜਕੇ ਦੀ ਲਾਸ਼ ਗੋਤਾਖੋਰਾਂ ਨੇ ਬਰਾਮਦ ਕਰ ਲਈ ਹੈ। ਲੜਕੇ ਦੀ ਪਛਾਣ ਵਿਸ਼ਾਲਦੀਪ ਵਜੋਂ ਹੋਈ ਹੈ।

ਉਸਦੀ ਲਾਸ਼ ਪਿੰਡ ਦੇ ਗੋਤਾਖੋਰਾਂ ਨੂੰ ਵੀਰਵਾਰ ਸ਼ਾਮ ਨੂੰ ਦਰਿਆ ਵਿੱਚ ਤੈਰਦੀ ਹੋਈ ਮਿਲੀ। ਇਸ ਦੇ ਨਾਲ ਹੀ 13 ਅਪਰੈਲ ਨੂੰ ਨਦੀ ਵਿੱਚ ਨਹਾਉਂਦੇ ਸਮੇਂ ਡੁੱਬਣ ਵਾਲੇ ਕੁੱਲ ਤਿੰਨ ਲੜਕਿਆਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ ਜਦੋਂ ਕਿ ਇੱਕ ਹੋਰ ਲਾਪਤਾ ਲੜਕੇ ਦੀ ਭਾਲ ਜਾਰੀ ਹੈ। -ਪੀਟੀਆਈ