ਉੱਚ ਸਿੱਖਿਆ ਲਈ 10 ਲੱਖ ਤੱਕ ਦੇ ਕਰਜ਼ ਦਾ ਐਲਾਨ

ਨਵੀਂ ਦਿੱਲੀ:

ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਨੇ ਐਲਾਨ ਕੀਤਾ ਕਿ ਸਰਕਾਰ ਘਰੇਲੂ ਸੰਸਥਾਵਾਂ ’ਚ ਉੱਚ ਸਿੱਖਿਆ ਲਈ 10 ਲੱਖ ਰੁਪਏ ਤੱਕ ਦੇ ਕਰਜ਼ੇ ਲਈ ਵਿੱਤੀ ਸਹਾਇਤਾ ਮੁਹੱਈਆ ਕਰੇਗੀ। ਸਕੂਲੀ ਸਿੱਖਿਆ ਲਈ ਬਜਟ ’ਚ 535 ਕਰੋੜ ਵਧਾਏ ਗਏ ਹਨ ਜਦਕਿ ਉੱਚ ਸਿੱਖਿਆ ਲਈ ਬਜਟ ’ਚ 9600 ਕਰੋੜ ਰੁਪਏ ਘੱਟ ਕੀਤੇ ਗਏ ਹਨ। ਸਿੱਖਿਆ ਖੇਤਰ ਲਈ ਅਲਾਟ ਕੁੱਲ ਬਜਟ ਪਿਛਲੇ ਸਾਲ ਮੁਕਾਬਲੇ 9000 ਕਰੋੜ ਰੁਪਏ ਘੱਟ ਹੈ। ਕੇਂਦਰ ਨੇ ਯੂਜੀਸੀ ਲਈ ਇਸ ਸਾਲ 2500 ਕਰੋੜ ਰੁਪਏ ਦੇ ਫੰਡ ਰੱਖੇ ਹਨ ਜੋ ਪਿਛਲੇ ਸਾਲ ਦੇ 6409 ਕਰੋੜ ਰੁਪਏ ਮੁਕਾਬਲੇ 60.99 ਫੀਸਦ ਘੱਟ ਹਨ। -ਪੀਟੀਆਈ