ਫ਼ਿਲਮ ‘ਜਿਗਰਾ’ ਵਿੱਚ ਨਜ਼ਰ ਆਵੇਗੀ ਆਲੀਆ ਭੱਟ

ਮੁੰਬਈ: ਬੌਲੀਵੁੱਡ ਅਦਾਕਾਰਾ ਆਲੀਆ ਭੱਟ ਵਾਸਨ ਬਾਲਾ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਫ਼ਿਲਮ ‘ਜਿਗਰਾ’ ਵਿੱਚ ਨਜ਼ਰ ਆਵੇਗੀ। ਇਹ ਐਲਾਨ ਅੱਜ ਇੱਥੇ ਧਰਮਾ ਪ੍ਰੋਡਕਸ਼ਨ ਨੇ ਆਪਣੇ ਸੋਸ਼ਲ ਮੀਡੀਆ ਪਲੈਟਫਾਰਮ ’ਤੇ ਕੀਤਾ ਹੈ। ਇਸ ਫਿਲਮ ਵਿਚ ਆਲੀਆ ਦੀ ਪਹਿਲੀ ਝਲਕ ਸਾਹਮਣੇ ਆਈ ਹੈ, ਜਿਸ ਵਿੱਚ ਉਸ ਨੇ ਪੈਂਟ-ਕਮੀਜ਼ ਪਹਿਨੀ ਹੋਈ ਹੈ ਤੇ ਪਿੱਠੂ ਬੈਗ ਚੁੱਕਿਆ ਹੋਇਆ ਹੈ। ਵੀਡੀਓ ਵਿਚ ਆਲੀਆ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ, ‘ਮੇਰੀ ਰਾਖੀ ਪਹਿਨਤਾ ਹੈ ਨਾ ਤੂ। ਤੂ ਮੇਰੀ ਪ੍ਰੋਟਕਸ਼ਨ ਮੇਂ ਹੈ। ਤੁਝੇ ਮੈਂ ਕੁਛ ਭੀ ਨਹੀਂ ਹੋਨੇ ਦੂੰਗੀ। ਕਭੀ ਭੀ।’ ਧਰਮਾ ਪ੍ਰੋਡਕਸ਼ਨ ਨੇ ਇਸ ਵੀਡੀਓ ਕੈਪਸ਼ਨ ਲਿਖਦਿਆਂ ਆਖਿਆ, ‘ਇੱਕ ਦਲੇਰਾਨਾ ਲੜਾਈ ਲੜਨ ਲਈ ਉਹ ਵਾਪਸ ਆ ਗਈ ਹੈ! ਜਿਗਰਾ... ਵਾਸਨ ਬਾਲਾ ਵੱਲੋਂ ਨਿਰਦੇਸ਼ਤ ਇਹ ਫ਼ਿਲਮ 27 ਸਤੰਬਰ 2024 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਹੈ। ਫ਼ਿਲਮ ਦੇ ਨਿਰਮਾਤਾ ਕਰਨ ਜੌਹਰ, ਅਪੂਰਵਾ ਮਹਿਤਾ, ਆਲੀਆ ਭੱਟ ਅਤੇ ਸੋਮੇਨ ਮਿਸ਼ਰਾ ਹਨ। -ਆਈਏਐੱਨਐੱਸ